Aqmola oblysynda sý tasqynynan zardap shekken aýdandarǵa belsendi járdem kórsetý jumystary jalǵasýda, dep habarlaidy Aqmola oblysy ishki saiasat basqarmasynyń Aimaqtyq kommýnikatsiialar qyzmeti.
Kókshetaý, Stepnogorsk qalalary jáne Bulandy, Býrabai, Ereimentaý, Esil, Jaqsy, Zerendi, Shortandy aýdandary atbasarlyqtar men sandyqtaýlyqtardy, Astrahan, Tselinograd aýdandarynyń turǵyndaryn azyq-túlik, kiim-keshek, bótelkedegi sý, jýý zattary, gigienalyq quraldar jáne tabiǵi gazben qamtamasyz etti.
Ereimentaý aýdany Atbasar qalasyna shamamen úsh million teńgege 77 bas qoi, 2 iri múiizdi mal túrinde gýmanitarlyq kómek kórsetti. Odan bólek, aýdandardyń barlyq memlekettik qyzmetkerleri arnaiy esepshotqa bir kúndik eńbekaqylaryn - shamamen 10 million teńge aýdardy.
Aqmolalyq Qazaqstan halqy Assambleiasy janyndaǵy «Qazaq tili jáne mádeniet» qoǵamdyq birlestiginiń arnaiy esepshotyna elimizdiń qaiyrymdy azamattarynan túsken aqsha aýdarymdarynyń jalpy somasy 22 million teńgege jetti.
