Otandyq tutynýshylardan sapasyz taýardy aiyrbastaý nemese aqshasyn keri alýǵa qatysty shaǵymdar jii túsedi. Bul týraly QR Saýda jáne integratsiia ministrligi Tutynýshylardyń quqyqtaryn qorǵaý komiteti tóraǵasynyń orynbasary Serik Qusaiynov málim etti, dep habarlaidy QazAqparat.
«Biylǵy 5 aida Tutynýshylardyń quqyǵyn qorǵaý komitetine kelip túsken shaǵymdarǵa taldaý jasai kele, salaǵa qatysty problemany birneshe baǵytqa bólýge bolady. Eń aldymen, másele bólshek saýdaǵa qatysty. Iaǵni, sapasyz taýardy aiyrbastaý nemese qaitaryp, aqshasyn keri alýmen bailanysty. Biyl 5 aidyń ishinde bólshek saýdaǵa qatysty 4577 ótinish nemese shaǵym kelip túsken. Bul jalpy shaǵym úlesiniń 49,3% quraidy jáne ótken jylmen salystyrǵanda shamamen 1,5% artyp otyr», - dedi Serik Qusaiynov Egov.kz portalynda ótken internet konferentsiiada tutynýshylardyń suraǵyna jaýap bere otyryp.
Komitet basshysynyń málimetinshe, halyqtan kelip túsetin shaǵymdardyń taǵy bir legi turmystyq qyzmetterge qatysty.
«Biylǵy 5 aida tutynýshylardan turmystyq qyzmetterge qatysty 1935 ótinish nemese shaǵym kelip túsken. Bul jalpy úlestiń 21% quraidy. Salaǵa qatysty shaǵymdar sapasyz jáne ýaqtyly qyzmet kórsetpeý baǵytynda. Osy sanattaǵy aryzdar jihaz jasaýshylar men páterlerdi jóndeý qyzmetine de qatysty», - deidi ol.
