5 maýsymda respýblikalyq referendým sheńberinde daýys berýge qatysatyn sheteldegi qazaqstandyqtar úshin 51 elde sailaý ýchaskeleri qurylady. Bul týraly Ortalyq referendým komissiiasy tóraǵasynyń orynbasary Konstantin Petrov málimdedi, - dep habarlaidy Tengrinews.kz.
"Qazaqstannyń 51 shet memlekettegi ókildigi janynan ýchaskeler qurylady. Bul ýchaskelerdegi tizimge sailaý quqyǵy bar, shet memlekette turatyn nemese uzaq merzimdi sheteldik issaparda júrgen jáne Qazaqstan azamaty ekenin kórsetetin tólqujattary bar barlyq azamat engiziledi", - dedi Petrov Ortalyq referendým komissiiasynyń otyrysynda.
Shet memleketterge jeke shaqyrý boiynsha, qyzmettik, iskerlik jáne týristik saparlarǵa ketken qazaqstandyqtar ýchaskelik komissiiaǵa júginse, tólqujattary bolsa, tizimge engiziledi.
"SIM shetelderdegi azamattarymyzdyń tizimine engizý úshin Qazaqstannan tys jerlerde ornalasqan ýchaskelik komissiialarǵa kómek kórsetedi", - dep túsindirdi Petrov.
