Premer-ministrdiń orynbasary Eraly Toǵjanov qazaqstandyqtar Pfizer kompaniiasynyń vaktsinasyn aqyly túrde saldyra almaitynyn aitty, - dep habarlaidy Tengrinews.kz agenttigi.
"Pfizer qazirdiń ózinde qoljetimdi, 4 millionnan asa doza satyp aldyq. Bizde vaktsina alatyndardyń naqty sanaty bar - 12 jastan 18 jasqa deiingi jasóspirimder men júkti, bala emizetin áielder. Bul turǵyda vaktsinatsiia júrip jatyr. Sonymen qatar, ujymdyq immýnitettiń qalyptasýyn eskere otyryp, 60 jáne odan da asqandarǵa salýǵa múmkindik berildi. Sinopharm, QazVac bar ekenin umytpaýy kerek. Meniń oiymsha, qoljetimdilik máselesi kún tártibinde turǵan joq. Taǵy 1 million dozaǵa tapsyrys beremiz (Pfizer vaktsinalary. - Eskert.)", - dedi Toǵjanov OKQ brifinginde.
Ol qazaqstandyqtar aqyly túrde Pfizer vaktsinasyn saldyra almaitynyn málimdedi.
"Meniń oiymsha, bul suraqqa birneshe ret jaýap berildi. Bul - Pfizer kompaniiasynyń ustanymy, vaktsinany satpaýǵa sheshim qabyldady", - dedi ol.
