«Koronadaǵdarys» kezeńinde qazaqstandyqtar burynǵydan kóbirek araq ishe bastaǵan. Bul baǵytta zertteý júrgizgen energyprom.kz byltyr araq satylymy men likerli-araq ónimderiniń óndirisi 20 paiyzǵa artqanyn anyqtaǵan.
«2020 jyldyń qańtary men jeltoqsany aralyǵynda araq óndirisi 2019 jylmen salystyrǵanda 14 paiyzǵa nemese 22,2 mln litrge artqan. Al 2019 jylǵy kórsetkishti alyp qarasaq, 2018 jyly bul kórsetkish (óndiris kólemi) 38,7 paiyzǵa azaiǵan edi. Qazirgi ýaqytta Qazaqstannyń 17 óńiriniń 6-da araq óndirisi jolǵa qoiylǵan. Ásirese Aqmola oblysynda basqa óńirlerden qaraǵanda (7,5 mln litr) kóbirek óndiriledi. Odan keiin oryndarda Soltústik Qazaqstan (5,6 mln litr) men Almaty oblysy (3,7 mln litr) tur. Odan soń Shymkent qalasy (845 myń litr) ornalasqan. Odan bólek Almaty men Aqtóbe oblystarynda 4,6 mln litr araq shyǵarylady», - delingen zertteýde.
Bólshektep satqan kezde elde araqtyń bir litriniń ortasha baǵasy 3203 teńgeni kórsetip tur.
«Eń qymbat araqtar iri qalalar men megapolisterde satylady. Elordada araqtyń litriniń ortasha baǵasy 3962 teńge. Baǵanyń qymbattyǵy jaǵynan odan keiin oryndarda Atyraý (litri 3931 tg ) men Aqtaý (litri 3578 tg) tur. Eń arzan araq Semei (litri 2698 tg), Óskemen (litri 2702 tg) jáne Tarazda (litrine 2736 tg) eken.
Araq Qazaqstanyń barlyq aimaǵynda qymbattaǵan. Bul faktor ásirese Qyzylorda jáne Kókshetaý, Qaraǵandy qalalarynda baiqalady.
