«كوروناداعدارىس» كەزەڭٸندە قازاقستاندىقتار بۇرىنعىدان كٶبٸرەك اراق ٸشە باستاعان. بۇل باعىتتا زەرتتەۋ جٷرگٸزگەن energyprom.kz بىلتىر اراق ساتىلىمى مەن ليكەرلٸ-اراق ٶنٸمدەرٸنٸڭ ٶندٸرٸسٸ 20 پايىزعا ارتقانىن انىقتاعان.
«2020 جىلدىڭ قاڭتارى مەن جەلتوقسانى ارالىعىندا اراق ٶندٸرٸسٸ 2019 جىلمەن سالىستىرعاندا 14 پايىزعا نەمەسە 22,2 ملن ليترگە ارتقان. ال 2019 جىلعى كٶرسەتكٸشتٸ الىپ قاراساق, 2018 جىلى بۇل كٶرسەتكٸش (ٶندٸرٸس كٶلەمٸ) 38,7 پايىزعا ازايعان ەدٸ. قازٸرگٸ ۋاقىتتا قازاقستاننىڭ 17 ٶڭٸرٸنٸڭ 6-دا اراق ٶندٸرٸسٸ جولعا قويىلعان. ەسٸرەسە اقمولا وبلىسىندا باسقا ٶڭٸرلەردەن قاراعاندا (7,5 ملن ليتر) كٶبٸرەك ٶندٸرٸلەدٸ. ودان كەيٸن ورىنداردا سولتٷستٸك قازاقستان (5,6 ملن ليتر) مەن الماتى وبلىسى (3,7 ملن ليتر) تۇر. ودان سوڭ شىمكەنت قالاسى (845 مىڭ ليتر) ورنالاسقان. ودان بٶلەك الماتى مەن اقتٶبە وبلىستارىندا 4,6 ملن ليتر اراق شىعارىلادى», - دەلٸنگەن زەرتتەۋدە.
بٶلشەكتەپ ساتقان كەزدە ەلدە اراقتىڭ بٸر ليترٸنٸڭ ورتاشا باعاسى 3203 تەڭگەنٸ كٶرسەتٸپ تۇر.
«ەڭ قىمبات اراقتار ٸرٸ قالالار مەن مەگاپوليستەردە ساتىلادى. ەلوردادا اراقتىڭ ليترٸنٸڭ ورتاشا باعاسى 3962 تەڭگە. باعانىڭ قىمباتتىعى جاعىنان ودان كەيٸن ورىنداردا اتىراۋ (ليترٸ 3931 تگ ) مەن اقتاۋ (ليترٸ 3578 تگ) تۇر. ەڭ ارزان اراق سەمەي (ليترٸ 2698 تگ), ٶسكەمەن (ليترٸ 2702 تگ) جەنە تارازدا (ليترٸنە 2736 تگ) ەكەن.
اراق قازاقستانىڭ بارلىق ايماعىندا قىمباتتاعان. بۇل فاكتور ەسٸرەسە قىزىلوردا جەنە كٶكشەتاۋ, قاراعاندى قالالارىندا بايقالادى.
