@REUTERS
Syrtqy ister ministrliginiń resmi ókili Aibek Smadiiarov Ýkrainadaǵy Qazaqstan azamattaryn elge qaitarýdy uiymdastyrý protsesine qatysty sońǵy málemetterdi jariialady, dep habarlaidy QazAqparat.
«Qazirgi ýaqytta evakýatsiialaý týraly 528 ótinish kelip tústi. Ýkrainadan Polsha arqyly 26 aqpan nemese 27 aqpanda alǵashqy repatriatsiialyq reis josparlanyp otyr. Aldaǵy ýaqytta taǵy da reister uiymdastyrylady. Qazir otandastarymyz 7 saǵat boiy shekara kezeginde tur. Sebebi elden shyqqysy keletinder kóp. Otandastarymyzdy sabyrǵa shaqyramyz. Biz qoldan kelgenniń bárin qarastyryp jatyrmyz», - dedi Smadiiarov ministrlikte ótken baspasóz máslihatynda.
Onyń aitýynsha, qazir qazaqstandyqtardy elge jetkizý úshin Ýkraina shekarasynda 3 avtobýs tur.
Alǵashqy avtobýsta - 49 adam, ekinshi avtobýsta 46 adam jáne taǵy bir avtobýsta 79 adam bar.
