Kievten qazaqstandyqtar mingen 3 avtobýs jolǵa shyqty, dep habarlaidy QazAqparat.
«Búgin Qazaqstan Respýblikasynyń Ýkrainadaǵy Elshiliginiń uiymdastyrýymen azamattarymyz mingen taǵy 3 avtobýs Kievten Lvovqa jolǵa shyqty» delingen elshilik taratqan aqparatta.
Aita keteiik, 1 naýryz kúni Almatynyń halyqaralyq áýejaiyna «Air Astana» áýe kompaniiasynyń Airbus A321 ushaǵy Ýkrainadan evakýatsiialanǵan Qazaqstan azamattarynyń alǵashqy tobyn alyp keldi.
Ýkrainadan evakýatsiialanǵan qazaqstandyqtar mingen ekinshi reis keshe keshkisin Nur-Sultanǵa qondy.
Olar Polshanyń Katovitse qalasynan Atyraýǵa, odan ári el astanasyna jetti. Bortta 120 eresek jáne 4 bala bar.
Qazaqstannyń Ýkrainadaǵy elshisiniń keńesshisi Sergei Konovalovtyń málimetinshe,
Ýkrainadan otanyna oralǵysy keletin qazaqstandyqtardyń sany kún sanap artyp jatyr.
«Jýyrda ǵana 600 adam evakýatsiiaǵa ótinish berdi. Osylaisha bizdiń konsýldyqtyń esebinde 1,5 myń adam tur. Qazaqstannyń Ýkrainadaǵy elshiligi istiń sońyna deiin bolady. Ázirge múmkindik bar kezde azamattarymyzdy atalǵan elden evakýatsiialaimyz», - dedi Sergei Konovalov tilshilerge bergen suhbatynda.
Qazaqstannyń Ýkrainadaǵy Elshisi Darhan Qaletaevtyń aitýynsha, Ýkrainadan barlyq qazaqstandyq evakýatsiialanyp bitpeiinshe Elshilik Kievte jumysyn jalǵastyra beredi.
