Bir million AQSh dollaryn jinaý úshin ár eldiń turǵyndaryna qansha jyl jumys isteýi keregi eseptelip, reiting jasaldy. Onda ár eldegi ortasha jalaqy esepke alynǵan. Qazaqstan bul reitingte 102 eldiń ishinde 87-oryn aldy, - dep habarlaidy Tengrinews.kz.
Picodi.com jasaǵan reitingte million dollardy Shveitsariia (13 jyl 4 ai), Aýstraliia (20 jyl 1 ai) jáne Singapýr (20 jyl 2 ai) turǵyndary tez jinai alady. TOP-5 el qataryna Liýksembýrg (20 jyl 4 ai) pen AQSh (23 jyl 1 ai) ta kiredi.
Qazaqstan bul reitingte 87-orynda tur, elde million dollar jinaý úshin 245 jyl 11 ai qajet.
TMD elderin alar bolsaq, Resei - 191 jyl 9 ai, Moldova - 204 jyl 11 ai, Armeniia - 215 jyl 4 ai, Belarýs - 231 jyl 5 ai, Ázerbaijan - 257 jyl 1 ai, Ózbekstan - 318 jyl 4 ai. Al Ýkraina turǵyndary million dollar jinaýy úshin 145 jyl 6 ai jumys isteýi kerek.
Ranking.kz málimetinshe, 2021 jyldyń tórtinshi toqsanynda qazaqstandyqtardyń ortasha jalaqysy 275,6 myń teńgege jetken, bul bir jyl burynǵydan 18,2 paiyzǵa artyq.
Eń joǵary jalaqy Atyraý oblysynda tirkeldi - 420,4 myń teńge. Úzdik úshtikke Nur-Sultan (391,4 myń teńge) men Mańǵystaý oblysy (382,4 myń teńge) kirdi.
Eń tómengi jalaqyny Soltústik Qazaqstan oblysynyń qyzmetkerleri alady - 203 myń teńge.
