Jeksenbi kúnine qaramastan, alǵashqy sailaýshylar Qazaqstannyń Máskeýdegi Elshiligi ǵimaratynyń aldynda tańǵy saǵat 6-dan bastap jinaldy.
Mundai aqparatty QR Syrtqy ister ministrligi usyndy, dep habarlaidy "Ult aqparat".
«Men búgin ózimniń azamattyq paryzymdy oryndaýǵa keldim. Dál qazirgi sátte Otanymnan jyraqta júrmin. Máskeýde oqydym, qazir osynda jumys isteimin. Ótip jatqan Májilis sailaýy Qazaqstannyń odan ári damýyn aiqyndaidy. Otanymyzdyń bolashaǵy berilgen árbir daýysqa bailanysty. Sondyqtan barsha qazaqstandyqtardy búgin sailaýǵa kelip, daýys berýge shaqyramyn», - dedi Máskeýde birinshi bolyp daýys bergen azamat Ádil Sariev.
