El turǵyndary 2020 jylǵy mamyr aiynda 1 467 altyn quima satyp aldy, dep habarlaidy "Ult aqparat" QR Ulttyq bankiniń baspasóz qyzmetine silteme jasap.
«2020 jylǵy mamyrda el turǵyndary ekinshi deńgeidegi bankterden jáne aiyrbastaý pýnkterinen jalpy salmaǵy 62 165 gramm 1 467 ólshemdi quima satyp aldy. Barlyǵy 2017 jyldan bastap jalpy salmaǵy 845 060 gramm 25 968 ólshemdi quima satyldy», delingen habarlamada.
Altyn quimalary 5, 10, 20, 50 jáne 100 gramdyq bolyp bes salmaqta satylǵan. Sonyń ishinde eń kóp satylǵany 10 gramdyq quimalar.
Altyn quima satyp alýda Almaty qalasy (satylǵan quimalardyń jalpy sanynyń 50,3%), odan keiin Atyraý (18,4%), Nur-Sultan (11,4%) kóshbastady. Basqa óńirler bul kórsetkish 19,9% boldy.
Jalpy salmaǵy 3 010 gramm 106 quima keri ótkizildi.
Qazirgi kezde altyn quimalaryn Halyk Bank-ten, Eýraziialyq ankten, Jýsan Bank-ten, Bank TsentrKreditten, sondai-aq aiyrbastaý pýnkterinen satyp alýǵa jáne olardy qaita ótkizýge bolady.
Árbir quima qorǵanysh elementterimen (quimalardyń bet jaǵy ainadai, mikromátin jáne bederli gýrt) jáne quimalardy mehanikalyq zaqymdanýdan qorǵaityn jáne oraýy ashylǵanyn nemese ashylmaǵanyn tez anyqtaýǵa múmkindik beretin arnaiy oraýda shyǵarylady. Qorǵanysh oraýy quima sapasynyń sertifikatyn bildiredi.
2020 jylǵy 5 maýsymdaǵy málimet boiynsha altynnyń 1 gramy 21 918,57 teńge boldy.
