Elimizdiń 14 aimaǵy men 17 qalasynda 22 ókildigi bar qarjy piramidasy qyzmeti tekserilýde. Bul týraly "Ult aqparat" Qarjy monitoringi komitetiniń baspasóz qyzmetine silteme jasap habarlaidy.
Qarjy piramidasynyń qyzmetin QR QM Qarjy monitoringi komitetiniń Pavlodar oblysy boiynsha Ekonomikalyq tergeý departamenti qyzmetkerleri tekserýde.
Qymbat baǵaly qandai da bir múlikti satyp alý úshin azamattarǵa 180 myń teńge kóleminde kirý jarnasyn tóleý, sodan keiin ai saiyn 50 myń teńgeden 10 ai boiyna tólem jasaý usynylǵan. Salynǵan 180 myń teńgeniń 100 myń teńgesi tutyný kooperativi shotynda qalyp, 80 myń teńge arnaiy qurylǵan JShS shotyna aýdarylyp otyrǵan.
Osylaisha JShS qyzmetinde mindetti kirý jarnasy, árbir jańadan tartylǵan qatysýshy úshin bonýstardyń tólenýi, BAQ-ta jappai jarnama jasaý, internet keńistikte bir alýshyǵa kóptegen jiberýshilerden jasalǵan aqsha aýdarymy siiaqty qarjy piramidasynyń barlyq belgileri kórinis tapqan.
Búgingi tańda qarjy piramidasyna salymshylardan jalpy somasy 3,9 mlrd teńge aqshalai qarajat tartylǵan.
Sotqa deiingi tergeý amaldary júrgizilýde.
Atalǵan áreket boiynsha QR QK 217-babyna (qarjylyq (investitsiialyq) piramidany qurý jáne oǵan basshylyq etý) sáikes múlikti tárkileýmen 5 jyldan 10 jylǵa deiin bas bostandyǵynan aiyrý túrinde qylmystyq jaýapkershilik qarastyrylǵan.
