Foto: baq.kz
Osy jyldyń alǵashqy alty aiynda avtonesie alýǵa berilgen ótinimder sany jyldyq eseppen 54%-ǵa artyp, 2,9 mln-ǵa jetti, dep habarlaidy Qazaqstan qarjygerler qaýymdastyǵy.
Qaýymdastyqtyń taldaý ortalyǵy biylǵy birinshi jartyjyldyqtaǵy avtonesieleý naryǵyna sholýyn jariialady.
"Bankterdiń jalpy nesie portfelindegi avtonesieniń úlesi 15,4%-ǵa jetti. Bul avtosalondardyń belsendi jarnamalyq kampaniialary, jeńildikpen usynylǵan arnaiy baǵdarlamalardyń iske qosylýy, nesie rásimdeý protsesiniń tsifrlanýynyń qarqyny men qaryzdy óteý koeffitsientin esepteý tártibiniń erekshelenýiniń arqasynda boldy", – delingen zertteýde.
Alǵashqy jarty jylda bankter 1,2 trln teńge somasyna avtonesieler bergen. Bul ótken jyldyń sáikes kezeńine qaraǵanda 53%-ǵa artyq. Avtonesieniń halyqqa berilgen jańa nesielerdegi úlesi 8,8%-dan 13,2%-ǵa deiin ósti.
"Avtonesieniń ortasha somasy 6,3 mln teńgeden 6,7 mln teńgege deiin ósti (+5,7%), bul eldegi kólik baǵasynyń 11,1%-ǵa ósýimen bailanysty. Ortasha ai saiynǵy tólem – 110,7 myń teńge, bul byltyrǵymen salystyrǵanda 8,1%-ǵa tómen. Mundai nátije avtonesieler boiynsha paiyzdyq mólsherlemelerdiń aitarlyqtai tómendeýimen bailanysty", – delingen aqparatta.
Osy jyldyń alǵashqy alty aiynda avtonesie alýǵa berilgen ótinimder sany jyldyq eseppen 54%-ǵa artyp, 2,9 mln-ǵa jetti. Qaýymdastyqtyń jazýynsha, nesiege satyp alynǵan avtokólikterdiń úlesi 36%-dan 59%-ǵa deiin ósti.
