قازاقستاندىقتار كٶلٸكتٸ جاپپاي نەسيەگە الىپ جاتىر

فوتو: baq.kz

وسى جىلدىڭ العاشقى التى ايىندا اۆتونەسيە الۋعا بەرٸلگەن ٶتٸنٸمدەر سانى جىلدىق ەسەپپەن 54%-عا ارتىپ, 2,9 ملن-عا جەتتٸ, دەپ حابارلايدى  قازاقستان قارجىگەرلەر قاۋىمداستىعى.

قاۋىمداستىقتىڭ تالداۋ ورتالىعى بيىلعى بٸرٸنشٸ جارتىجىلدىقتاعى اۆتونەسيەلەۋ نارىعىنا شولۋىن جارييالادى.

"بانكتەردٸڭ جالپى نەسيە پورتفەلٸندەگٸ اۆتونەسيەنٸڭ ٷلەسٸ 15,4%-عا جەتتٸ. بۇل اۆتوسالونداردىڭ بەلسەندٸ جارنامالىق كامپانييالارى, جەڭٸلدٸكپەن ۇسىنىلعان ارنايى باعدارلامالاردىڭ ٸسكە قوسىلۋى, نەسيە رەسٸمدەۋ پروتسەسٸنٸڭ تسيفرلانۋىنىڭ قارقىنى مەن قارىزدى ٶتەۋ كوەففيتسيەنتٸن ەسەپتەۋ تەرتٸبٸنٸڭ ەرەكشەلەنۋٸنٸڭ ارقاسىندا بولدى", – دەلٸنگەن زەرتتەۋدە.

العاشقى جارتى جىلدا بانكتەر 1,2 ترلن تەڭگە سوماسىنا اۆتونەسيەلەر بەرگەن. بۇل ٶتكەن جىلدىڭ سەيكەس كەزەڭٸنە قاراعاندا 53%-عا ارتىق. اۆتونەسيەنٸڭ حالىققا بەرٸلگەن جاڭا نەسيەلەردەگٸ ٷلەسٸ 8,8%-دان 13,2%-عا دەيٸن ٶستٸ.

"اۆتونەسيەنٸڭ ورتاشا سوماسى 6,3 ملن تەڭگەدەن 6,7 ملن تەڭگەگە دەيٸن ٶستٸ (+5,7%), بۇل ەلدەگٸ كٶلٸك باعاسىنىڭ 11,1%-عا ٶسۋٸمەن بايلانىستى. ورتاشا اي سايىنعى تٶلەم – 110,7 مىڭ تەڭگە, بۇل بىلتىرعىمەن سالىستىرعاندا 8,1%-عا تٶمەن. مۇنداي نەتيجە اۆتونەسيەلەر بويىنشا پايىزدىق مٶلشەرلەمەلەردٸڭ ايتارلىقتاي تٶمەندەۋٸمەن بايلانىستى", – دەلٸنگەن اقپاراتتا.

وسى جىلدىڭ العاشقى التى ايىندا اۆتونەسيە الۋعا بەرٸلگەن ٶتٸنٸمدەر سانى جىلدىق ەسەپپەن 54%-عا ارتىپ, 2,9 ملن-عا جەتتٸ. قاۋىمداستىقتىڭ جازۋىنشا, نەسيەگە ساتىپ الىنعان اۆتوكٶلٸكتەردٸڭ ٷلەسٸ 36%-دان 59%-عا دەيٸن ٶستٸ.