2019 jyldyń qańtar-qarashasynda Qazaqstanda resmi dilerler 63 404 avtomobil satty. Bul osydan bir jyl burynǵy kórsetkishten 20,8 paiyzǵa joǵary, dep habarlaidy "Ult aqparat".
«Qazavtoóndiris» Qazaqstan avtomobil salasy kásiporyndary odaǵy málimetinshe, atalǵan kezeńde qazaqstandyqtar jańa jeńil kólik satyp alýǵa 588,8 mlrd teńge qarajattaryn jumsaǵan. Bul 2018 jylǵy kórsetkishten 31,1 paiyzǵa kóp. Al osy jyldyń qarasha aiynyń ózinde ǵana 66,4 mlrd teńgeniń 7 373 kóligi satyldy.
2019 jyldyń 11 aiynda qazaqstandyq avtozaýyttarda shyǵarylǵan ónimge 36 726 adamnyń tańdaýy tússe, satylǵan 26 678 kólik shetelde qurastyrylǵan.
«Osy jyldyń qańtar-qarashasynyń qorytyndysy boiynsha suranysy joǵary qazaqstandyq brendterdiń reitingin Lada bastap tur. Respýblika aýmaǵynda reseilik markanyń 13 671 avtomobili satylǵan. 13 105 Hyundai modeli óz iesin tapty. Úshinshi orynda 13 031 birligi satylǵan Toyota markasy tur. Úzdik bestik qatarynda KIA (3 192 birlik) men Ravon (2 899) kólikteri de bar. Sonymen qatar TOR-10 ótimdi markalardyń qataryna Renault (2 383), GAZ (2 239), Nissan (2 145), UAZ (1 735 ) jáne Volkswagen (1 605) kiredi», - dep atap ótedi «Qazavtoóndiristen».
Biylǵy jyly myna óńirlerdiń turǵyndary jańa avtokólikterdi kóp satyp alǵan: Almaty qalasy (16 981 avtomobil satyldy), Nur-Sultan (12 447), Shymkent (4 998), Atyraý (4 048), Qaraǵandy (3 883), Qostanai (3 648), Oral (2 713), Óskemen (2 564), Pavlodar (2 286) jáne Aqtaý (2 266).
