Foto: Depositphotos
2024 jyldyń shildesinen bastap qazaqstandyqtar memlekettik tirkeý nómirlerin jańa iesine onlain rejiminde bere alady. Bul týraly Tsifrlyq damý ministri Baǵdat Mýsin aitty, - dep habarlaidy "Ult aqparat".
"Búgingi tańdaǵy eń úlken jetistiktiń biri - 2024 jyldyń shildesinen bastap qazaqstandyqtardyń kólik nómirin, dálirek aitsaq, memlekettik tirkeý nómiri belgilerin jańa iesine onlain rejiminde bere alýy. Buryn kólik satyp alǵanda, tipti, onlain tranzaktsiia jasaǵanda, jańa iesi jańa nómir alý úshin arnaiy HQO-ǵa kelýi kerek edi. Endi bul qajettilik joiyldy. Sonymen qatar suranysy joǵary kólik nómirlerin jaqyn týystaryna berý múmkindigin jasaýdy qolǵa aldyq.
Taǵy bir mańyzdy jańalyq bar. Menshik iesi turǵylyqty jerin aýystyrǵan kezde suranysqa ie memlekettik tirkeý nómirlik belgileriniń qaita tirkelýin alyp tastaǵymyz keledi.
Sonymen qatar biz el azamattarynyń avtokólikti bastapqy tirkeý kezinde tapsyrýǵa tiisti qujattarynyń sanyn azaittyq, keibir jaǵdailarda biz arnaiy HQO-ǵa barý qajettiligin joidyq" - dep jazdy ministr Instagram paraqshasynda.
Onyń aitýynsha, munyń bári protsesterdi odan ári yńǵaily jáne qolaily etpek.
