Barlyq elderdiń sottary koronavirýstyń taralý qateri jaǵdaiynda birqatar aldyn alý sharalaryn qabyldady, dep habarlaidy "Ult qaparat".
Olar jańa jaǵdailarda jumys isteýdegi óz tájiribelerimen CEPEJ halyqaralyq uiymynyń arnaiy qurylǵan blogynda bólisip otyrady. Qazaqstan onda sottardyń tolyǵymen onlain jumysqa kóshkenin, protsesterdiń keiinge qaldyrylǵanyn jáne tatýlastyrýdy nasihattaý týraly habarlady.
Sottardyń qyzmetin qamtamasyz etý departamentiniń basshysy Nail Ahmetzakirov atap ótkendei, bul sharalardy adamdardyń sotta qorǵalýyna konstitýtsiialyq quqyqty qamtamasyz etý úshin Joǵarǵy Sot jáne ol basqaryp otyrǵan vedomstvo tótenshe jaǵdai kezeńinde ózge obektilerge, onyń ishinde sot ǵimarattaryna barý karantindi buzýmen teń dárejede bolyp otyrǵan kezde qabyldady. TJ engizgenge deiin respýblika sottarynyń is júrgizýinde 106 myń is pen material boldy. Bul protsesterge 326 myń qatysýshy tartyldy. Iaǵni kúnine keminde 3 myń sot otyrysy kem degende 15 myń adamnyń qatysýymen ótti.
«TJ kezinde bizdiń elektrondy sot isin júrgizýdi damytý deńgeii emtihannan sátti ótti deýge bolady. Ol óziniń ómirsheńdigi men qoǵamnyń suranysyna qarai ózgere alatyndyǵyn kórsetti», - dep sanaidy N.Ahmetzakirov.
Sot qyzmet kórsetýleri
«Sot kabinetin» paidalanýshylar - barlyq sot qyzmetterine qoljetimdiliktiń biryńǵai elektrondyq terezesin úiden shyqpai-aq kez kelgen gadjetten sotqa elektrondyq ótinishterdiń 90-nan astam túrin jibere alady. SK–niń mobildi nusqasyn tegin kóshirip alýǵa bolady. SK ótinishtiń tirkelýin, onyń sottaǵy qoldanysyn (mártebesin) kórýge, sot aktisin jáne otyrystyń aýdio-, beinejazbasyn alýǵa múmkindik beredi.
SK qujatainalymy men pochta boiynsha qarajatty edáýir únemdeidi. Servis jedel ári qaýipsizdikti qamtamasyz etedi. Biraq, eń aldymen, ol taraptarǵa óziniń ornalasqan jerine qaramastan, sotqa barmai-aq otyrysqa qatysýǵa múmkindik beredi. Ol úshin oǵan SK boiynsha aryz berý jetkilikti, ol sotqa beinekonferentsbailanys arqyly shyǵý ýaqyty týraly habarlaidy.
Karantin tek qana sottarda elektrondyq qujat ainalymynyń «ósýine» ákep soqty. Qazir respýblika sottary SK arqyly ótinishterdiń 90 % - dan astamyn qabyldaidy. «Adamdarǵa qaǵaz júzindegi hattardy jiberýdiń mańyzsyz ekenini túsinetin kez keldi - dezinfektsiialaýdan keiin barlyq qaǵaz qujattary mindetti túrde elektrondyq formatqa kóshiriledi», - dedi N.Ahmetzakirov.
Júktemeni arttyrý, árine, servis jyldamdyǵyna áser etedi. Bul kúnderi sottardyń IT-mamandary kúsheitilgen rejimde jumys isteidi.
BKB tolyqqandy sot protsesi
N. Ahmetzakirov barlyq sottarǵa sot isterin beinekonferentsbailanys arqyly qashyqtyqtan ótkizý usynylǵanyn habarlady. Bul rette olardyń: statsionarlyq (politsiia jáne prokýratýra ǵimaratynan) nemese utqyr (mesendjerler arqyly smartfon, planshet, noýtbýk arqyly) júrgizilentini mańyzdy emes.
Qashyqtyqtan ótetin sot protsesi dástúrli sot protsesinen ótkizý tásilimen ǵana erekshelenedi. Onlain-protsester sot otyrysynyń elektrondyq hattamasynda - aýdio, beinetirkeý de tirkeledi.
«Bul kúnderi sot protsesteriniń 90% - y beinekonferentsbailanys arqyly júrgiziledi. Sáýir aiynyń sońyna deiin onyń qoldanylýyn 100%-ǵa deiin jetkizý josparlanyp otyr. Bul mindetti sheshýge sottardaǵy IT-tehnologiialar múmkindik beredi», - dep túiindedi N.Ahmetzakirov.
Júie boiynsha belgili bir olqylyqtar da bar, olar da júktememen bailanysty bolyp otyr. Olardy joiý úshin barlyq 390 sot 237 mobildi beinekonferentsbailanys serverimen jabdyqtalǵan.
TJ rejiminde sot isin júrgizýdi uiymdastyrý
Sýdialar sot tóreligin qashyqtyqtan júzege asyrady. Shuǵyl isterdi keste boiynsha qaraidy.
Sýdialar men sot qyzmetkerleri BAQ pen áleýmettik jelilerde TJ jaǵdaiynda sottardyń qalai jumys isteitinin, elektrondyq sot isin júrgizýlerdiń artyqshylyqtary men múmkindikterin, IT-servisteriniń jumysyn, sondai-aq talap qoiý merzimi men shaǵymdaný merzimderin qosa alǵanda, is júrgizý merzimderin uzartý jáne qalpyna keltirý týraly zańnama normalaryn belsendi túrde túsindirdi.
Azamattardy qabyldaý, seminarlar men "dóńgelek ústelder" ótkizý toqtatyldy. Sottar temperatýrany ólsheý quraldarymen, kvarts shamdarymen, antiseptiktermen, betperdelermen qamtamasyz etilgen. Úi-jailardy sanitarlyq óńdeý únemi júrgiziledi, kelýshilerge betperde tegin taratylady. Sýdialar men sot qyzmetkerleriniń, sondai-aq sot ǵimarattaryndaǵy ózge de adamdardyń aýrý belgileri baiqalǵanda olardy oqshaýlaýǵa shuǵyl sharalar qoldanylady jáne jedel meditsinalyq kómek shaqyrylady.
