بارلىق ەلدەردٸڭ سوتتارى كوروناۆيرۋستىڭ تارالۋ قاتەرٸ جاعدايىندا بٸرقاتار الدىن الۋ شارالارىن قابىلدادى, دەپ حابارلايدى "ۇلت قاپارات".
ولار جاڭا جاعدايلاردا جۇمىس ٸستەۋدەگٸ ٶز تەجٸريبەلەرٸمەن CEPEJ حالىقارالىق ۇيىمىنىڭ ارنايى قۇرىلعان بلوگىندا بٶلٸسٸپ وتىرادى. قازاقستان وندا سوتتاردىڭ تولىعىمەن ونلاين جۇمىسقا كٶشكەنٸن, پروتسەستەردٸڭ كەيٸنگە قالدىرىلعانىن جەنە تاتۋلاستىرۋدى ناسيحاتتاۋ تۋرالى حابارلادى.
سوتتاردىڭ قىزمەتٸن قامتاماسىز ەتۋ دەپارتامەنتٸنٸڭ باسشىسى نايل احمەتزاكيروۆ اتاپ ٶتكەندەي, بۇل شارالاردى ادامداردىڭ سوتتا قورعالۋىنا كونستيتۋتسييالىق قۇقىقتى قامتاماسىز ەتۋ ٷشٸن جوعارعى سوت جەنە ول باسقارىپ وتىرعان ۆەدومستۆو تٶتەنشە جاعداي كەزەڭٸندە ٶزگە وبەكتٸلەرگە, ونىڭ ٸشٸندە سوت عيماراتتارىنا بارۋ كارانتيندٸ بۇزۋمەن تەڭ دەرەجەدە بولىپ وتىرعان كەزدە قابىلدادى. تج ەنگٸزگەنگە دەيٸن رەسپۋبليكا سوتتارىنىڭ ٸس جٷرگٸزۋٸندە 106 مىڭ ٸس پەن ماتەريال بولدى. بۇل پروتسەستەرگە 326 مىڭ قاتىسۋشى تارتىلدى. ياعني كٷنٸنە كەمٸندە 3 مىڭ سوت وتىرىسى كەم دەگەندە 15 مىڭ ادامنىڭ قاتىسۋىمەن ٶتتٸ.
«تج كەزٸندە بٸزدٸڭ ەلەكتروندى سوت ٸسٸن جٷرگٸزۋدٸ دامىتۋ دەڭگەيٸ ەمتيحاننان سەتتٸ ٶتتٸ دەۋگە بولادى. ول ٶزٸنٸڭ ٶمٸرشەڭدٸگٸ مەن قوعامنىڭ سۇرانىسىنا قاراي ٶزگەرە الاتىندىعىن كٶرسەتتٸ», - دەپ سانايدى ن.احمەتزاكيروۆ.
سوت قىزمەت كٶرسەتۋلەرٸ
«سوت كابينەتٸن» پايدالانۋشىلار - بارلىق سوت قىزمەتتەرٸنە قولجەتٸمدٸلٸكتٸڭ بٸرىڭعاي ەلەكتروندىق تەرەزەسٸن ٷيدەن شىقپاي-اق كەز كەلگەن گادجەتتەن سوتقا ەلەكتروندىق ٶتٸنٸشتەردٸڭ 90-نان استام تٷرٸن جٸبەرە الادى. سك–نٸڭ موبيلدٸ نۇسقاسىن تەگٸن كٶشٸرٸپ الۋعا بولادى. سك ٶتٸنٸشتٸڭ تٸركەلۋٸن, ونىڭ سوتتاعى قولدانىسىن (مەرتەبەسٸن) كٶرۋگە, سوت اكتٸسٸن جەنە وتىرىستىڭ اۋديو-, بەينەجازباسىن الۋعا مٷمكٸندٸك بەرەدٸ.
سك قۇجاتاينالىمى مەن پوچتا بويىنشا قاراجاتتى ەدەۋٸر ٷنەمدەيدٸ. سەرۆيس جەدەل ەرٸ قاۋٸپسٸزدٸكتٸ قامتاماسىز ەتەدٸ. بٸراق, ەڭ الدىمەن, ول تاراپتارعا ٶزٸنٸڭ ورنالاسقان جەرٸنە قاراماستان, سوتقا بارماي-اق وتىرىسقا قاتىسۋعا مٷمكٸندٸك بەرەدٸ. ول ٷشٸن وعان سك بويىنشا ارىز بەرۋ جەتكٸلٸكتٸ, ول سوتقا بەينەكونفەرەنتسبايلانىس ارقىلى شىعۋ ۋاقىتى تۋرالى حابارلايدى.
كارانتين تەك قانا سوتتاردا ەلەكتروندىق قۇجات اينالىمىنىڭ «ٶسۋٸنە» ەكەپ سوقتى. قازٸر رەسپۋبليكا سوتتارى سك ارقىلى ٶتٸنٸشتەردٸڭ 90 % - دان استامىن قابىلدايدى. «ادامدارعا قاعاز جٷزٸندەگٸ حاتتاردى جٸبەرۋدٸڭ ماڭىزسىز ەكەنٸنٸ تٷسٸنەتٸن كەز كەلدٸ - دەزينفەكتسييالاۋدان كەيٸن بارلىق قاعاز قۇجاتتارى مٸندەتتٸ تٷردە ەلەكتروندىق فورماتقا كٶشٸرٸلەدٸ», - دەدٸ ن.احمەتزاكيروۆ.
جٷكتەمەنٸ ارتتىرۋ, ەرينە, سەرۆيس جىلدامدىعىنا ەسەر ەتەدٸ. بۇل كٷندەرٸ سوتتاردىڭ ٸت-ماماندارى كٷشەيتٸلگەن رەجيمدە جۇمىس ٸستەيدٸ.
بكب تولىققاندى سوت پروتسەسٸ
ن. احمەتزاكيروۆ بارلىق سوتتارعا سوت ٸستەرٸن بەينەكونفەرەنتسبايلانىس ارقىلى قاشىقتىقتان ٶتكٸزۋ ۇسىنىلعانىن حابارلادى. بۇل رەتتە ولاردىڭ: ستاتسيونارلىق (پوليتسييا جەنە پروكۋراتۋرا عيماراتىنان) نەمەسە ۇتقىر (مەسەندجەرلەر ارقىلى سمارتفون, پلانشەت, نوۋتبۋك ارقىلى) جٷرگٸزٸلەنتٸنٸ ماڭىزدى ەمەس.
قاشىقتىقتان ٶتەتٸن سوت پروتسەسٸ دەستٷرلٸ سوت پروتسەسٸنەن ٶتكٸزۋ تەسٸلٸمەن عانا ەرەكشەلەنەدٸ. ونلاين-پروتسەستەر سوت وتىرىسىنىڭ ەلەكتروندىق حاتتاماسىندا - اۋديو, بەينەتٸركەۋ دە تٸركەلەدٸ.
«بۇل كٷندەرٸ سوت پروتسەستەرٸنٸڭ 90% - ى بەينەكونفەرەنتسبايلانىس ارقىلى جٷرگٸزٸلەدٸ. سەۋٸر ايىنىڭ سوڭىنا دەيٸن ونىڭ قولدانىلۋىن 100%-عا دەيٸن جەتكٸزۋ جوسپارلانىپ وتىر. بۇل مٸندەتتٸ شەشۋگە سوتتارداعى IT-تەحنولوگييالار مٷمكٸندٸك بەرەدٸ», - دەپ تٷيٸندەدٸ ن.احمەتزاكيروۆ.
جٷيە بويىنشا بەلگٸلٸ بٸر ولقىلىقتار دا بار, ولار دا جٷكتەمەمەن بايلانىستى بولىپ وتىر. ولاردى جويۋ ٷشٸن بارلىق 390 سوت 237 موبيلدٸ بەينەكونفەرەنتسبايلانىس سەرۆەرٸمەن جابدىقتالعان.
تج رەجيمٸندە سوت ٸسٸن جٷرگٸزۋدٸ ۇيىمداستىرۋ
سۋديالار سوت تٶرەلٸگٸن قاشىقتىقتان جٷزەگە اسىرادى. شۇعىل ٸستەردٸ كەستە بويىنشا قارايدى.
سۋديالار مەن سوت قىزمەتكەرلەرٸ باق پەن ەلەۋمەتتٸك جەلٸلەردە تج جاعدايىندا سوتتاردىڭ قالاي جۇمىس ٸستەيتٸنٸن, ەلەكتروندىق سوت ٸسٸن جٷرگٸزۋلەردٸڭ ارتىقشىلىقتارى مەن مٷمكٸندٸكتەرٸن, ٸت-سەرۆيستەرٸنٸڭ جۇمىسىن, سونداي-اق تالاپ قويۋ مەرزٸمٸ مەن شاعىمدانۋ مەرزٸمدەرٸن قوسا العاندا, ٸس جٷرگٸزۋ مەرزٸمدەرٸن ۇزارتۋ جەنە قالپىنا كەلتٸرۋ تۋرالى زاڭناما نورمالارىن بەلسەندٸ تٷردە تٷسٸندٸردٸ.
ازاماتتاردى قابىلداۋ, سەمينارلار مەن "دٶڭگەلەك ٷستەلدەر" ٶتكٸزۋ توقتاتىلدى. سوتتار تەمپەراتۋرانى ٶلشەۋ قۇرالدارىمەن, كۆارتس شامدارىمەن, انتيسەپتيكتەرمەن, بەتپەردەلەرمەن قامتاماسىز ەتٸلگەن. ٷي-جايلاردى سانيتارلىق ٶڭدەۋ ٷنەمٸ جٷرگٸزٸلەدٸ, كەلۋشٸلەرگە بەتپەردە تەگٸن تاراتىلادى. سۋديالار مەن سوت قىزمەتكەرلەرٸنٸڭ, سونداي-اق سوت عيماراتتارىنداعى ٶزگە دە ادامداردىڭ اۋرۋ بەلگٸلەرٸ بايقالعاندا ولاردى وقشاۋلاۋعا شۇعىل شارالار قولدانىلادى جەنە جەدەل مەديتسينالىق كٶمەك شاقىرىلادى.
