Halyqaralyq aqsha aýdarý júiesi arqyly tranzaktsiialardyń kólemi Qazaqstannan shetelge jáne shetelden elimizge keletin qarajat kóleminiń bir jyl ishinde aitarlyqtai óskenin kórsetti, dep habarlaidy ranking.kz portaly.
«2019 jyldyń qańtar-tamyzynda shetelge jiberilgen aqsha aýdarymynyń kólemi 7,4 paiyzǵa artyp, 408,3 mlrd teńgege jetti. Al shetelden 232,5 mlrd teńge alynyp, jyl ishindegi ósim 5,4 paiyz boldy. Qazaqstannan jiberilgen jáne shetelden alynǵan kólem boiynsha TOP-5 eldiń qataryna Resei, Ózbekstan jáne Qyrǵyzstan kirip otyr», - delingen taratylǵan aqparatta.
Shetelge jiberilgen aqshanyń 134,5 mlrd teńgesi Reseige jóneltilip, ol jaqtan 81,1 mlrd teńge alynǵan. Ekinshi orynda turǵan Ózbekstanǵa 88,5 mlrd teńge jiberilip, ol jaqtan qazaqstandyqtar 17,3 mlrd teńge alǵan. Al Qyrǵyzstanǵa Qazaqstannan 52 mlrd teńge jóneltilip, ol jaqtan qazaqstandyqtardyń qolyna 15,7 mlrd teńge túsken.
Qazaqstandyqtar Túrkiiaǵa 55,1 mlrd teńge, Qytaiǵa 22,1 mlrd teńge jibergen. Al Ońtústik Koreiadan Qazaqstanǵa 38,3 mlrd teńge, AQSh-tan 10,5 mlrd teńge jóneltilgen.
