Qazaqstan halqy sáýirde barlyq shyǵynnyń jartysynan astamyn azyq-túlikke jumsady, dep habarlaidy Sputnik Qazaqstan.
Monitoring júrgizetin Ranking.kz agenttiginiń aqparatyna sáikes, karantin kezinde bólshek saýda eki esege tómendedi.
"Sáýirde Qazaqstan boiynsha dúkender, bazarlar jáne basqa da bólshek saýda oryndary 495,7 milliard teńgege (1,1 milliard dollar) saýda jasady, bul ótken jyldyń sáýirimen salystyrǵanda 40,9%-ke az. Infliatsiiany eskere otyryp, saýda kóleminiń naqty tómendeýi jylyna 44,7%-ti kórsetti", - dep habarlady agenttik.
Qańtar-sáýirde bólshek saýda kólemi 2,87 trillion teńgeni (6,5 milliard dollar) qurady, bul ótken jyldyń alǵashqy tórt aiymen salystyrǵanda 5,9%-ke az. Bul rette saýda kóleminiń naqty azaiýy 11,8%-ke jetti.
Ádette jalpy azyq-túlik taýarlary bólshek saýdanyń jalpy kóleminiń úshten bir bóligin qurasa, karantin rejimi saqtalǵan sáýirde bólshek saýdanyń jalpy kólemindegi azyq-túlik taýarlarynyń úlesi birden 51,5%-ti nemese 255,4 milliard teńgeni (580 million dollar) qurady. 2020 jyldyń alǵashqy tórt aiynda qazaqstandyqtardyń barlyq satyp alýlarynyń 36,6%-i – azyq-túliktiń úlesi.
Aita keteiik, Qazaqstan Ulttyq banki infliatsiia dálizi 4-6% degen boljam jasady. Alaida infliatsiianyń jyldyq deńgeii sáýirde 6,8%-ti qurady, naýryzda 6,4% jáne 2019 jyldyń sáýirinde 4,9%.
Qazaqstanda tótenshe jaǵdai rejimi 16 naýryzda engizilip, 11 mamyrǵa deiin sozyldy. Karantin rejimi áli aiaqtalǵan joq.
