Mundai múmkindikti el turǵyndaryna Nur-Sultan qalasyndaǵy «Rýhani jańǵyrý» jobalyq keńsesi usynyp otyr, dep habarlaidy "Ult aqparat" ákimdiktiń saityna silteme jasap.
Aǵylshyn tiliniń negizderin úiretý maqsatynda ótkiziletin onlain kýrsty biliktiligi joǵary maman – Kristina Iaichnikova júrgizedi. Sabaq berýshiniń aitýyna qaraǵanda, buǵan deiin ol aǵylshyn tilin qashyqtyqtan úiretýden biraz tájiribe jinap úlgergen.
«Men osyǵan deiin onlain rejimde sabaq berýden biraz tájiribe jinadym. Karantin ýaqytynda sol tájiribemen bólisýdiń sáti túsip otyr. Sabaqty onlain rejimde júrgizý barysynda aǵylshyn tilin az ýaqyt ishinde meńgerý tásilderin de úiretýge tyrysamyn. Kýrsta biz grammatika negizderin qarastyratyn bolamyz. Al jaqsy nátijelerge qol jetkizý maqsatynda úi tapsyrmalary berilip, keiingi sabaqta qatysýshylardyń ony qalai oryndaǵandyǵyn tekseremiz», – deidi Kristina Iaichnikova.
Aita keteiik, atalmysh sabaqtar aptasyna bir ret Instagram paraqshasynda jáne Youtube kanalynda tikelei efirde júrgiziletin bolady. Ár sabaqtyń uzaqtyǵy: 1 – 1,5 saǵat.
2 aiǵa sozylatyn tegin kýrstyń alǵashqy sabaǵy 1 sáýirge belgilengen.
