2021 jyldyń qańtar aiynda qazaqstandyqtar ekinshi deńgeili bankterden jáne jekelegen banktik emes aiyrbastaý pýnkterinen jalpy salmaǵy 111,5 keli bolatyn 2 414 quima satyp aldy. Bul týraly QR Ulttyq banki habarlady.
Ulttyq bank halyqqa tazartylǵan altyn quimalardy satý jáne satyp alý baǵdarlamasyn 2017 jyly qolǵa alǵan bolatyn. Baǵdarlama júzege asyryla bastaǵannan beri jalpy salmaǵy 1,68 tonna 44 993 altyn quima satyldy.
Altyn quimalardyń bes túri usynylǵan: 5, 10, 20, 50 jáne 100 gramm. Tazartylǵan altyn quimalardy satý jáne satyp alý baǵdarlamasy iske asyrylǵaly halyq arasynda eń kóp suranysqa ie bolǵany – 10 gramdyq quima. Jalpy satylymdaǵy onyń úlesi 26% – 11 654 dana. Odan keiin 100 g. quima - 10 572 dana (23%) jáne 20 gramm - 10 123 dana (22%), 5 gramm - 7 177 dana (16%), 50 gramm - 5 467 dana (12%).
Málim bolǵandai, ólshengen quimalar Almaty, Nur-Sultan jáne Atyraý qalalarynda suranysqa ie.
Altyn quimalar senimdi investitsiialyq qural bola alady. Ár quima qorǵanys elementterimen (quimalardyń aina beti, mikrotekst jáne releftiń sheti), quimalardy mehanikalyq zaqymdanýdan qorǵaityn jáne pakettiń ashylǵan-ashylmaǵanyn tekserýdi jeńildetetin arnaiy qaptamada shyǵarylady. Qorǵanys qaptamasy, sonymen qatar quimanyń sapa sertifikaty bola alady. Sondyqtan quimany saqtaǵanda muqiiat bolyp, oramany ashpaǵan jón.
«Qazirgi ýaqytta altyn quimalardy Halyk Bank-te, Eýraziialyq bankte, Jýsan Bank-te, Bank TsentrKreditte, sondai-aq banktik emes aiyrbastaý pýnkterinde satyp alýǵa jáne satýǵa bolady», - dep naqtylady Ulttyq bankten.
