QR Ulttyq ekonomika ministrligi Statistika komiteti 2020 jylǵy maýsymda qyzmetkerlerdiń sanyna eseptelgen jalaqy mólsheri boiynsha zertteý júrgizdi, dep habarlaidy "Ult aqparat".
Atalǵan zertteý qorytyndysyna sáikes, kásiporyndar men uiymdardyń biylǵy maýsymda tolyq jumys istegen qyzmetkerler sany 2 713,6 myń adamdy quraǵan. Onyń ishinde erler – 1 246,6 myń adamdy nemese 45,9 paiyzdy, áielder – 1 467,0 myń adamdy nemese 54,1 paiyz.
Zertteý qorytyndysyna sáikes, qyzmetkerlerdiń jalpy sanynan ortasha ailyq jalaqyny:
45 000 teńgege deiin - 1,8% qyzmetkerler,
45 000 – 105 000 teńge aralyǵynda – 30,8%,
105 000 – 210 000 teńgege deiin - 39,2%,
210 000 – 300 000 teńgege deiin – 14,2%,
300 000 – 420 000 teńgege deiin – 7,2%,
420 000 – 600 000 teńgege deiin – 3,6%,
600 000 – 750 000 teńgege deiin – 1,2%,
750 000 – 900 000 teńgege deiin – 0,6%,
900 000 teńgeden joǵary – 1,4 paiyz qyzmetker aldy.
75000 teńgege deiingi jalaqyny bilim berý salasynyń qyzmetkerleri alady (49,6%). Al 450 000 teńgeden joǵary eńbekaqy taý-ken ónerkásibi (21,6%) salasynda tólenedi.
Ortasha bilimi bar qyzmetkerlerdiń ortasha ailyǵy 133 268 teńgeni qurady. Joǵary bilimdiler – 247 015 teńge, joǵary oqý ornynan keiingi bilimi barlar 472 654 teńge jalaqy alǵan.
«Qyzmetkerlerdiń jasyna qarai bólinisinde 16 jastan 24 jasqa deiingilerdiń ortasha ailyq jalaqysy 134 843 teńgeni, 25 jastan 28 jasqa deiin - 168 508 teńgeni, 29 jastan 34 jasqa deiin - 200 629 teńgeni, 35 jastan 44 jasqa deiin - 219 270 teńgeni, 45 jastan 54 jasqa deiin - 204 527 teńgeni, 55 jastan 64 jasqa deiin - 190 950 teńgeni, 65-ten joǵary 229 407 teńge qurady», - dedi Statistika komitetinen.
