Qazaqstandyq salymshylardyń 53 paiyzy uzaq merzimdi depozit ashqan, dep habarlaidy Ranking.kz saity.
Tamyz aiynda otandyq bankterdegi salymdar kólemi 15,24 trln teńgeni quraǵan bolatyn. Bul byltyrǵydan 1,3 paiyzǵa az. Onyń ishinde el rezidenti bolyp sanalmaityndardyń bólshek salym úlesi 57,2 paiyzǵa jetken. Bólshek salymnyń 87,3 paiyzy shuǵyl salymdarǵa tiesili. Mundaǵy teńgeniń úlesi 50 paiyzdan astam (7,6 trln teńge).
«Uzaq merzimdi salymda da teńgeniń úlesi basym. Qazaqstandyqtar 2,09 trln teńgeniń depozitin ashqan. Degenmen, bul byltyrǵydan tómen. Jeke adamdardyń qysqa merzimdi depozitteri 12,2 paiyzǵa artsa, uzaq merzimdi salymdar 2,4 paiyzǵa kemigen. Bul tendentsiiamen kúresý úshin bankter túrli sharalar qabyldap jatyr. Qazaqstannyń depozitterge kepildik berý qorynyń jańa erejesi boiynsha, depozit syiaqylarynyń mólsherlemesi ai saiyn jariialanyp turýy tiis. Mólsherlemeler tómendeýi múmkin degen boljamdar bar. Mundai jaǵdaida uzaq merzimdi depozitter ózine ońtaily mólsherlemeni jyl sońyna deiin saqtap qalý basymdyǵyna ie», - dep jazady Ranking.kz.
Eske salsaq, Qazaqstannyń depozitterge kepildik berý qory salymshylardyń depozitterin óteý ýaqytyn qysqartqan bolatyn.
