قازاقستاندىق سالىمشىلاردىڭ 53 پايىزى ۇزاق مەرزٸمدٸ دەپوزيت اشقان, دەپ حابارلايدى Ranking.kz سايتى.
تامىز ايىندا وتاندىق بانكتەردەگٸ سالىمدار كٶلەمٸ 15,24 ترلن تەڭگەنٸ قۇراعان بولاتىن. بۇل بىلتىرعىدان 1,3 پايىزعا از. ونىڭ ٸشٸندە ەل رەزيدەنتٸ بولىپ سانالمايتىنداردىڭ بٶلشەك سالىم ٷلەسٸ 57,2 پايىزعا جەتكەن. بٶلشەك سالىمنىڭ 87,3 پايىزى شۇعىل سالىمدارعا تيەسٸلٸ. مۇنداعى تەڭگەنٸڭ ٷلەسٸ 50 پايىزدان استام (7,6 ترلن تەڭگە).
«ۇزاق مەرزٸمدٸ سالىمدا دا تەڭگەنٸڭ ٷلەسٸ باسىم. قازاقستاندىقتار 2,09 ترلن تەڭگەنٸڭ دەپوزيتٸن اشقان. دەگەنمەن, بۇل بىلتىرعىدان تٶمەن. جەكە ادامداردىڭ قىسقا مەرزٸمدٸ دەپوزيتتەرٸ 12,2 پايىزعا ارتسا, ۇزاق مەرزٸمدٸ سالىمدار 2,4 پايىزعا كەمٸگەن. بۇل تەندەنتسييامەن كٷرەسۋ ٷشٸن بانكتەر تٷرلٸ شارالار قابىلداپ جاتىر. قازاقستاننىڭ دەپوزيتتەرگە كەپٸلدٸك بەرۋ قورىنىڭ جاڭا ەرەجەسٸ بويىنشا, دەپوزيت سىياقىلارىنىڭ مٶلشەرلەمەسٸ اي سايىن جارييالانىپ تۇرۋى تيٸس. مٶلشەرلەمەلەر تٶمەندەۋٸ مٷمكٸن دەگەن بولجامدار بار. مۇنداي جاعدايدا ۇزاق مەرزٸمدٸ دەپوزيتتەر ٶزٸنە وڭتايلى مٶلشەرلەمەنٸ جىل سوڭىنا دەيٸن ساقتاپ قالۋ باسىمدىعىنا يە», - دەپ جازادى Ranking.kz.
ەسكە سالساق, قازاقستاننىڭ دەپوزيتتەرگە كەپٸلدٸك بەرۋ قورى سالىمشىلاردىڭ دەپوزيتتەرٸن ٶتەۋ ۋاقىتىن قىسقارتقان بولاتىن.
