Qazaqstanda bir jylda et jáne et ónimderin tutyný 5 paiyzǵa tómendegen. Etti eń az satyp alǵan óńir - Shymkent, - dep habarlaidy Tengrinews.kz tilshisi Energyprom.kz saityna silteme jasap.
Osy jyldyń alǵashqy toqsanynyń qorytyndysyna sáikes, et jáne et ónimderin paidalaný jan basyna eseptegende 19,8 kelige qysqarǵan. Bul ótken jylmen salystyrǵanda 5,4 paiyzǵa az.
Et ónimderin Pavlodar oblysy turǵyndary kóp tutynǵan - 24 keli (1,9 paiyzǵa artyq). Eń azy - shymkenttikter, 14,6 paiyz, bir jylda 1,7 paiyz qosylǵan.
Biyl et jáne et ónimderin paidalaný 17 aimaqtyń 10-da aitarlyqtai azaiǵan. Tómengi kórsetkish Almaty jáne Soltústik Qazaqstan oblystaryna tiesili: 12,5 paiyzǵa, 20,3 jáne 17,3 kelige azaiǵan. Aqmola oblysynda et ónimderin tutyný 11,7 paiyzǵa, 21,3 kelige, Nur-Sultanda 11,5 paiyz, 17,5 kelige qysqarǵan. Al Qostanai oblysynda bul kórsetkish ótken jylmen salystyrǵanda kóterilgen. Jan basyna shaqqanda 10 paiyzǵa, 20,5 kelige deiin ósken.
2020 jyly ár qazaqstandyq bir aida orta eseppen 7 keli et jáne et ónimderin satyp alǵan. Bul 2019 jylmen salystyrǵanda 5,6 paiyzǵa, 2015 jylmen salystyrǵanda 14,3 paiyzǵa, 2010 jylmen salystyrǵanda 58,4 paiyzǵa artyq. Et jáne et ónimderin paidalaný sońǵy 20 jylda 3,7 keliden 7 kelige ósken.
Biyl et ónimderiniń barlyq túrin satyp alý kólemi ótken jylmen salystyrǵanda azaiǵan. Siyr etin tutyný 1,9 paiyzǵa, 6 kelige, qoi eti, 3,9 paiyz, 1,1 kelige, jylqy eti 5,4 paiyz, 1,8 kelige, shoshqa eti 5,9 paiyz, 824 gramǵa tómendegen.
2021 jyldyń alǵashqy toqsanynda et jáne et ónimderin tutyný úlesi barlyq tutyný taýarlarynyń 17,9 paiyzyna teń.
2021 jyldyń mamyryndaǵy kórsetkishterge sáikes, et jáne et ónimderiniń baǵasy bir jylda 6,8 paiyzǵa, bir aida 0,9 paiyzǵa ósken.
Dúken sórelerinde qoi etiniń bir kelisi 2,2 myń teńgege satylyp jatyr. Bul byltyrmen salystyrǵanda 13,6 paiyzǵa kóp. Jylqy etiniń bir kelisi 7,2 paiyzǵa, 2,4 myń teńge, shoshqa eti 6,5 paiyzǵa, 1,7 myń teńge, siyr eti 6,4 paiyz, 2,1 myń teńge, taýyq eti 4,1 paiyz, 965 teńgege qymbattaǵan.
Et ónimderiniń ishinde jartylai súrlengen shujyqtyń bir kelisiniń baǵasy 8,7 paiyzǵa, 2,4 myń teńgege, pisirilgeni 6,8 paiyz, 2,1 myń teńgege ósken.
