قازاقستاندا بٸر جىلدا ەت جەنە ەت ٶنٸمدەرٸن تۇتىنۋ 5 پايىزعا تٶمەندەگەن. ەتتٸ ەڭ از ساتىپ العان ٶڭٸر - شىمكەنت, - دەپ حابارلايدى Tengrinews.kz تٸلشٸسٸ Energyprom.kz سايتىنا سٸلتەمە جاساپ.
وسى جىلدىڭ العاشقى توقسانىنىڭ قورىتىندىسىنا سەيكەس, ەت جەنە ەت ٶنٸمدەرٸن پايدالانۋ جان باسىنا ەسەپتەگەندە 19,8 كەلٸگە قىسقارعان. بۇل ٶتكەن جىلمەن سالىستىرعاندا 5,4 پايىزعا از.
ەت ٶنٸمدەرٸن پاۆلودار وبلىسى تۇرعىندارى كٶپ تۇتىنعان - 24 كەلٸ (1,9 پايىزعا ارتىق). ەڭ ازى - شىمكەنتتٸكتەر, 14,6 پايىز, بٸر جىلدا 1,7 پايىز قوسىلعان.
بيىل ەت جەنە ەت ٶنٸمدەرٸن پايدالانۋ 17 ايماقتىڭ 10-دا ايتارلىقتاي ازايعان. تٶمەنگٸ كٶرسەتكٸش الماتى جەنە سولتٷستٸك قازاقستان وبلىستارىنا تيەسٸلٸ: 12,5 پايىزعا, 20,3 جەنە 17,3 كەلٸگە ازايعان. اقمولا وبلىسىندا ەت ٶنٸمدەرٸن تۇتىنۋ 11,7 پايىزعا, 21,3 كەلٸگە, نۇر-سۇلتاندا 11,5 پايىز, 17,5 كەلٸگە قىسقارعان. ال قوستاناي وبلىسىندا بۇل كٶرسەتكٸش ٶتكەن جىلمەن سالىستىرعاندا كٶتەرٸلگەن. جان باسىنا شاققاندا 10 پايىزعا, 20,5 كەلٸگە دەيٸن ٶسكەن.
2020 جىلى ەر قازاقستاندىق بٸر ايدا ورتا ەسەپپەن 7 كەلٸ ەت جەنە ەت ٶنٸمدەرٸن ساتىپ العان. بۇل 2019 جىلمەن سالىستىرعاندا 5,6 پايىزعا, 2015 جىلمەن سالىستىرعاندا 14,3 پايىزعا, 2010 جىلمەن سالىستىرعاندا 58,4 پايىزعا ارتىق. ەت جەنە ەت ٶنٸمدەرٸن پايدالانۋ سوڭعى 20 جىلدا 3,7 كەلٸدەن 7 كەلٸگە ٶسكەن.
بيىل ەت ٶنٸمدەرٸنٸڭ بارلىق تٷرٸن ساتىپ الۋ كٶلەمٸ ٶتكەن جىلمەن سالىستىرعاندا ازايعان. سيىر ەتٸن تۇتىنۋ 1,9 پايىزعا, 6 كەلٸگە, قوي ەتٸ, 3,9 پايىز, 1,1 كەلٸگە, جىلقى ەتٸ 5,4 پايىز, 1,8 كەلٸگە, شوشقا ەتٸ 5,9 پايىز, 824 گرامعا تٶمەندەگەن.
2021 جىلدىڭ العاشقى توقسانىندا ەت جەنە ەت ٶنٸمدەرٸن تۇتىنۋ ٷلەسٸ بارلىق تۇتىنۋ تاۋارلارىنىڭ 17,9 پايىزىنا تەڭ.
2021 جىلدىڭ مامىرىنداعى كٶرسەتكٸشتەرگە سەيكەس, ەت جەنە ەت ٶنٸمدەرٸنٸڭ باعاسى بٸر جىلدا 6,8 پايىزعا, بٸر ايدا 0,9 پايىزعا ٶسكەن.
دٷكەن سٶرەلەرٸندە قوي ەتٸنٸڭ بٸر كەلٸسٸ 2,2 مىڭ تەڭگەگە ساتىلىپ جاتىر. بۇل بىلتىرمەن سالىستىرعاندا 13,6 پايىزعا كٶپ. جىلقى ەتٸنٸڭ بٸر كەلٸسٸ 7,2 پايىزعا, 2,4 مىڭ تەڭگە, شوشقا ەتٸ 6,5 پايىزعا, 1,7 مىڭ تەڭگە, سيىر ەتٸ 6,4 پايىز, 2,1 مىڭ تەڭگە, تاۋىق ەتٸ 4,1 پايىز, 965 تەڭگەگە قىمباتتاعان.
ەت ٶنٸمدەرٸنٸڭ ٸشٸندە جارتىلاي سٷرلەنگەن شۇجىقتىڭ بٸر كەلٸسٸنٸڭ باعاسى 8,7 پايىزعا, 2,4 مىڭ تەڭگەگە, پٸسٸرٸلگەنٸ 6,8 پايىز, 2,1 مىڭ تەڭگەگە ٶسكەن.
