Foto: ashyq derekkóz
Qasym-Jomart Toqaev Qazaqstan men Armeniia arasyndaǵy kóshi-qon jáne azamattardyń saparlary tártibin retteitin kelisimderdi ratifikatsiialady, dep habarlaidy Ult.kz
Aqordanyń málimetinshe, memleket basshysy «Qazaqstan Respýblikasynyń Úkimeti men Armeniia Respýblikasynyń Úkimeti arasyndaǵy kóshi-qon salasyndaǵy yntymaqtastyq týraly kelisimdi ratifikatsiialaý týraly» Qazaqstan Respýblikasynyń zańyna qol qoidy.
Prezident sol siiaqty «Qazaqstan Respýblikasynyń Úkimeti men Armeniia Respýblikasynyń Úkimeti arasyndaǵy azamattardyń saparlary men bolý tártibi týraly kelisimdi ratifikatsiialaý týraly» Qazaqstan Respýblikasynyń zańyna qol qoidy.
Aita keteiik, osyǵan deiin Parlament Májilisi Qazaqstan Úkimeti men Armeniia Úkimeti arasyndaǵy azamattardyń saparlary men bolý tártibi týraly kelisimdi ratifikatsiialaý týraly zańdy qabyldaǵany habarlanǵan.
