«Qazaqstan» telearnasy Dimash Qudaibergenniń «ARNAU» atty jeke kontsertiniń televiziialyq nusqasy 17 jeltoqsan kúni kórsetiletinin málim etti, dep habarlaidy "Ult aqparat".
Aita keteiik, D.Qudaibergen «Qazaqstan» RTRK» AQ uiymdastyrýymen maýsym aiynda Nur-Sultan qalasyndaǵy kontsertinde «ARNAU» baǵdarlamasyn usynǵan bolatyn.
Keiin, 10 jeltoqsan kúni Amerikanyń Niýi-Iork qalasynda ótken keshinde atalmysh baǵdarlamanyń jańartylǵan nusqasy - «Arnau tour ENVOY»-men óner kórsetti.
«Álem tyńdarmandary bul keshte jańa baǵdarlamamen qatar, «ARNAU» baǵdarlamasynyń úzdik nómirlerin kóretin bolady. Kontserttiń televiziialyq nusqasynyń kórsetilim ýaqyty qosymsha jariialanady», - dep málim etken bolatyn «Qazaqstan» telearnasy.
Búgin telearnanyń Instagram-daǵy paraqshasynda Dimashtyń kontserti 17 jeltoqsan kúni saǵat 19:00-de kórsetiletini jariia etildi.
Buǵan deiin qazaqstandyq ánshi óz jankúierlerine alǵys aitqan bolatyn.
«Rahmet, Amerika. Rahmet, Niý-Iork. Rizamyn senderge, dears. Men senderdi sheksiz jaqsy kóremin. Qarapaiym ǵana eńbegime árdaiym qoldaý kórsetip, kókke kótergenderiń úshin alǵysym sheksiz. Video keiinirek bolady. Al meniń Amerikadaǵy «Arnaý» atty kontsertimniń tolyq TV nusqasy jaqynda jaryqqa shyǵady», - dep jazǵan edi ol Instagram-da.
Eske sala ketsek, Dimash Qudaibergenniń Niý-Iorktegi kontserti úlken anshlagpen ótti. Oǵan álemniń 60 elinen jankúierler jinaldy.
Kontsert Qazaqstannyń AQSh-taǵy mádeniet kúnderi aiasynda jáne QR Mádeniet jáne sport ministrliginiń qoldaýymen uiymdastyryldy.
