Biylǵy qyrkúiek aiynyń sońynda bank júiesindegi depozitter 21,4 trln teńgeni qurady. Bul týraly Ulttyq bank tóraǵasynyń orynbasary Aqyljan Baimaǵambetov málim etti, dep habarlaidy "Ult aqparat".
«Biylǵy qyrkúiektiń sońynda bank júiesindegi depozitter jyl basynan beri 12,4 paiyzǵa ulǵaiyp, 21,4 trln teńgeni qurady. Teńgemen salymdar 12,6 trln teńgege deiin 16,7 paiyzǵa, valiýtalyq salymdar – 8,7 trln teńgege deiin 6,6 paiyzǵa ósti», - dedi Baimaǵambetov Parlament Senatynyń jalpy otyrysynda.
Onyń aitýynsha, teńgemen aktivterdi qorǵaý boiynsha jedel sharalardyń nátijesinde depozitterdi dollarlandyrý 2020 jylǵy 9 aidyń qorytyndysy boiynsha 40,9 paiyzǵa deiin (2020 jylǵy naýryzda 46,7%) tómendedi.
«Uzaq merzimdi kreditterdiń 12,4 trln teńgege deiin 4,5 paiyzǵa nemese 529,2 mlrd teńgege ósýi nátijesinde ekonomikaǵa nesieler biylǵy qyrkúiektiń sońynda jyl basynan beri 14,3 trln teńgege deiin 3,5 paiyzǵa (nemese 480,6 mlrd teńgege) ulǵaidy. Qysqa merzimdi kreditter 2 trln teńgege deiin 2,4 paiyzǵa nemese 48,6 mlrd teńgege azaidy», - dedi UB ókili.
