بيىلعى قىركٷيەك ايىنىڭ سوڭىندا بانك جٷيەسٸندەگٸ دەپوزيتتەر 21,4 ترلن تەڭگەنٸ قۇرادى. بۇل تۋرالى ۇلتتىق بانك تٶراعاسىنىڭ ورىنباسارى اقىلجان بايماعامبەتوۆ مەلٸم ەتتٸ, دەپ حابارلايدى "ۇلت اقپارات".
«بيىلعى قىركٷيەكتٸڭ سوڭىندا بانك جٷيەسٸندەگٸ دەپوزيتتەر جىل باسىنان بەرٸ 12,4 پايىزعا ۇلعايىپ, 21,4 ترلن تەڭگەنٸ قۇرادى. تەڭگەمەن سالىمدار 12,6 ترلن تەڭگەگە دەيٸن 16,7 پايىزعا, ۆاليۋتالىق سالىمدار – 8,7 ترلن تەڭگەگە دەيٸن 6,6 پايىزعا ٶستٸ», - دەدٸ بايماعامبەتوۆ پارلامەنت سەناتىنىڭ جالپى وتىرىسىندا.
ونىڭ ايتۋىنشا, تەڭگەمەن اكتيۆتەردٸ قورعاۋ بويىنشا جەدەل شارالاردىڭ نەتيجەسٸندە دەپوزيتتەردٸ دوللارلاندىرۋ 2020 جىلعى 9 ايدىڭ قورىتىندىسى بويىنشا 40,9 پايىزعا دەيٸن (2020 جىلعى ناۋرىزدا 46,7%) تٶمەندەدٸ.
«ۇزاق مەرزٸمدٸ كرەديتتەردٸڭ 12,4 ترلن تەڭگەگە دەيٸن 4,5 پايىزعا نەمەسە 529,2 ملرد تەڭگەگە ٶسۋٸ نەتيجەسٸندە ەكونوميكاعا نەسيەلەر بيىلعى قىركٷيەكتٸڭ سوڭىندا جىل باسىنان بەرٸ 14,3 ترلن تەڭگەگە دەيٸن 3,5 پايىزعا (نەمەسە 480,6 ملرد تەڭگەگە) ۇلعايدى. قىسقا مەرزٸمدٸ كرەديتتەر 2 ترلن تەڭگەگە دەيٸن 2,4 پايىزعا نەمەسە 48,6 ملرد تەڭگەگە ازايدى», - دەدٸ ۇب ٶكٸلٸ.
