Elektrondy úkimet portalynda qazaqstandyqtar endi biometriialyq parametrler arqyly tirkele alady, dep habarlaidy "Ult aqparat".
«eGovMobile qosymshasynan biometriialyq parametrler arqyly ETsQ alý múmkindigi 2020 jyldyń 15 jeltoqsanynan bastap múmkin boldy. Osy ýaqytqa deiin 77,5 myń ETsQ berilgen. Al Elektrondy úkimet portaly arqyly byltyr 26 naýryzdan bastap qashyqtan biometriia arqyly nemese HQO operatorlaryna qońyraý shalý arqyly ETsQ alý múmkin boldy. Sodan beri onlain túrde 2,8 mln ETsQ berildi», - dedi «Ulttyq aqparattar tehnologiiasy» AQ-dan.
Aita keteiik, Elektrondy úkimet portalynyń Mobildi azamattar bazasynda tirkelý jáne ETsQ alý úshin eGovMobile qosymshasynda biometriialyq identifikatsiiadan ótý jetkilikti. Ol úshin smartfonnyń kamerasy qajet.
«Qazaqstandyqtar eGovMobile qosymshasynda ETsQ alatyn kezde birden 3 qyzmet alady. Biometriialyq indentifikatsiia qoldanýshy eGov.kz portalynda tirkelgen tirkelmegenin anyqtaýǵa múmkindik beredi. Qajettilik bolǵan jaǵdaida ony azamattardyń ózi teksere alady», - dedi AQ mamandary.
Ol úshin eGovMobile qosymshasynyń jańa nusqasyn kóshirý shart. Sosyn Digital ID bóliminde tirkeýden ótip, biometriialyq indentifikatsiiadan ótedi.
Keiin jeke qujattyń málimetteri men telefon nómirin alýǵa ruqsat beriledi. Sodan keiin elektrondy poshtany kórsetip, ETsQ-nyń qupiia sózin oilastyrady.
