2020 jyldyń basynan bastap halyqtyń kreditteri 7,36 trln teńgege deiin, iaǵni 10,5 paiyzǵa ulǵaidy. Bul týraly Úkimet otyrysynda QR Ulttyq banki tóraǵasy Erbolat Dosaev aitty, dep habarlaidy "Ult aqparat".
«2020 jyldyń basynan bastap halyqtyń kreditteri 7,36 trln teńgege deiin 10,5 paiyzǵa ulǵaidy. Olardyń qurylymynda tutynýshylyq qaryzdar 4,3 trln teńgege deiin, iaǵni 3,2 paiyzǵa, memlekettik baǵdarlamalardy iske asyrý esebinen ipotekalyq qaryzdar – 2,3 trln teńgege deiin, 27,8 paiyzǵa ósti»,- dedi Erbolat Dosaev.
Sonymen qatar ol kreditter 2020 jyldyń basynan beri uzaqmerzimdi nesielerdiń ósýi nátijesinde 2020 jylǵy qarashanyń sońynda 14,65 trln teńgege deiin, iaǵni 5,6 paiyzǵa, qysqamerzimdi kreditter 2,1 trln teńgege deiin, iaǵni 3,0 paiyzǵa nemese 60,5 mlrd teńgege ulǵaiǵanyn aitty.
«Biznestiń kredittik portfeli 2020 jyldyń basynan beri 7,29 trln teńgege deiin, 1,2 paiyzǵa artty. Biznestiń teńgemen kreditteri boiynsha mólsherlemesi 2020 jylǵy qarashada 11,9, onyń ishinde qysqa merzimdi kreditter boiynsha – 11,6, uzaq merzimdi kreditter boiynsha 13,1 paiyz boldy», - dedi UB tóraǵasy.
