2020 جىلدىڭ باسىنان باستاپ حالىقتىڭ كرەديتتەرٸ 7,36 ترلن تەڭگەگە دەيٸن, ياعني 10,5 پايىزعا ۇلعايدى. بۇل تۋرالى ٷكٸمەت وتىرىسىندا قر ۇلتتىق بانكٸ تٶراعاسى ەربولات دوساەۆ ايتتى, دەپ حابارلايدى "ۇلت اقپارات".
«2020 جىلدىڭ باسىنان باستاپ حالىقتىڭ كرەديتتەرٸ 7,36 ترلن تەڭگەگە دەيٸن 10,5 پايىزعا ۇلعايدى. ولاردىڭ قۇرىلىمىندا تۇتىنۋشىلىق قارىزدار 4,3 ترلن تەڭگەگە دەيٸن, ياعني 3,2 پايىزعا, مەملەكەتتٸك باعدارلامالاردى ٸسكە اسىرۋ ەسەبٸنەن يپوتەكالىق قارىزدار – 2,3 ترلن تەڭگەگە دەيٸن, 27,8 پايىزعا ٶستٸ»,- دەدٸ ەربولات دوساەۆ.
سونىمەن قاتار ول كرەديتتەر 2020 جىلدىڭ باسىنان بەرٸ ۇزاقمەرزٸمدٸ نەسيەلەردٸڭ ٶسۋٸ نەتيجەسٸندە 2020 جىلعى قاراشانىڭ سوڭىندا 14,65 ترلن تەڭگەگە دەيٸن, ياعني 5,6 پايىزعا, قىسقامەرزٸمدٸ كرەديتتەر 2,1 ترلن تەڭگەگە دەيٸن, ياعني 3,0 پايىزعا نەمەسە 60,5 ملرد تەڭگەگە ۇلعايعانىن ايتتى.
«بيزنەستٸڭ كرەديتتٸك پورتفەلٸ 2020 جىلدىڭ باسىنان بەرٸ 7,29 ترلن تەڭگەگە دەيٸن, 1,2 پايىزعا ارتتى. بيزنەستٸڭ تەڭگەمەن كرەديتتەرٸ بويىنشا مٶلشەرلەمەسٸ 2020 جىلعى قاراشادا 11,9, ونىڭ ٸشٸندە قىسقا مەرزٸمدٸ كرەديتتەر بويىنشا – 11,6, ۇزاق مەرزٸمدٸ كرەديتتەر بويىنشا 13,1 پايىز بولدى», - دەدٸ ۇب تٶراعاسى.
