Qazaqstan balyqty az tutynady. Bul týraly búgin ótken Úkimet otyrysynda QR Ekologiia, geologiia jáne tabiǵi resýrstar ministri Maǵzum Myrzaǵaliev aitty, dep habarlaidy "Ult aqparat".
«Qazaqstan balyqty az tutynady. Dúniejúzilik densaýlyq saqtaý uiymy adam basyna shaqqanda jylyna 16 keliden kem emes balyq tutynýdy usynsa, Qazaqstanda bul kórsetkish bir adamǵa 4 keliden keledi. Óz kezeginde, kórshiles Reseide adam basyna 23 kg, Qytaida 45 kg balyq tutynylady. Osylaisha, shekara mańyndaǵy aýdandardy eskergende, balyq ónimderiniń eksporttyq áleýeti 3 mln tonnadan asyp túsýi múmkin», - deidi Maǵzum Myrzaǵaliev.
Sondai-aq onyń aitýynsha, búgingi tańda Qazaqstanda 1 myńnan astam balyq sharýashylyǵy sýbektisi jumys isteidi.
«Olarǵa 1646 balyq sharýashylyǵy sý qoimasy jáne olardyń ýchaskeleri bekitilgen. Salada 11 myńnan astam adam jumys isteidi. 2019 jyly 45 myń tonna balyq aýlanǵan. Negizgi balyq aýlaý Atyraý, Almaty, Shyǵys Qazaqstan jáne Qyzylorda oblystarynda iske asyrylady», - dedi ministr.
