قازاقستان بالىقتى از تۇتىنادى. بۇل تۋرالى بٷگٸن ٶتكەن ٷكٸمەت وتىرىسىندا قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ايتتى, دەپ حابارلايدى "ۇلت اقپارات".
«قازاقستان بالىقتى از تۇتىنادى. دٷنيەجٷزٸلٸك دەنساۋلىق ساقتاۋ ۇيىمى ادام باسىنا شاققاندا جىلىنا 16 كەلٸدەن كەم ەمەس بالىق تۇتىنۋدى ۇسىنسا, قازاقستاندا بۇل كٶرسەتكٸش بٸر ادامعا 4 كەلٸدەن كەلەدٸ. ٶز كەزەگٸندە, كٶرشٸلەس رەسەيدە ادام باسىنا 23 كگ, قىتايدا 45 كگ بالىق تۇتىنىلادى. وسىلايشا, شەكارا ماڭىنداعى اۋدانداردى ەسكەرگەندە, بالىق ٶنٸمدەرٸنٸڭ ەكسپورتتىق ەلەۋەتٸ 3 ملن توننادان اسىپ تٷسۋٸ مٷمكٸن», - دەيدٸ ماعزۇم مىرزاعاليەۆ.
سونداي-اق ونىڭ ايتۋىنشا, بٷگٸنگٸ تاڭدا قازاقستاندا 1 مىڭنان استام بالىق شارۋاشىلىعى سۋبەكتٸسٸ جۇمىس ٸستەيدٸ.
«ولارعا 1646 بالىق شارۋاشىلىعى سۋ قويماسى جەنە ولاردىڭ ۋچاسكەلەرٸ بەكٸتٸلگەن. سالادا 11 مىڭنان استام ادام جۇمىس ٸستەيدٸ. 2019 جىلى 45 مىڭ توننا بالىق اۋلانعان. نەگٸزگٸ بالىق اۋلاۋ اتىراۋ, الماتى, شىعىس قازاقستان جەنە قىزىلوردا وبلىستارىندا ٸسكە اسىرىلادى», - دەدٸ مينيستر.
