Foto: Pixabay.com
Qazaqstan halqy azyq-túlikke ai saiyn orta eseppen 113 myń 870 teńge jumsaidy, dep habarlaidy «Ult aqparat» 31-arnanyń Informbiýro jańalyqtar baǵdarlamasyna silteme jasap.
Freedom Finance Global sarapshylarynyń málimetinshe, saýalnamaǵa qatysqan 3 myńnan astam turǵynnyń 27%-y aiyna tamaqqa 50 myń teńge ketedi dep jaýap bergen.
30%-ǵa jýyǵy 30 kúnde 75-100 myń teńge aralyǵynda jaratatynyn aitqan. Árbir besinshi turǵyn, iaǵni 17%-y ai saiyn tamaqqa 100-150 myń teńge bóledi.
Taǵy 12%-y 75 myńǵa deiin, qalǵan 10%-y 150-200 myń teńge qarjysyn ailyq azyǵyna arnaidy eken.
“Azyq-túlikke ailyqtyń jartysy ketedi”, “Men kúzetshi bolyp jumys isteimin. 120 myń teńge alamyn. 60 myńy tamaqqa ketedi. Bári qymbat qoi”, “Tamaqqa 100 myńnan asa ketedi. Onyń ústine páter aqysy bar. Ol 120 myń teńge. Biraq soǵan shúkir. Ómir súrip jatyrmyz”, “Bizdiń zeinetaqymyz tolyq bir aiǵa jetpeidi. Óte az, odan keiin azyq-túlik kúnnen kúnge qymbattap jatyr”, – dedi turǵyndar.
Eske salsaq, buǵan deiin Qazaqstanda qandai azyq-túlik ónimderi qymbattaýy múmkin ekeni aityldy.
