74 myńǵa jýyq qazaqstandyq Coursera platformasynda oqýǵa ótinim berdi. Bul týraly Eńbek ministrliginiń baspasóz qyzmeti habarlady.
Qazirdiń ózinde 74 myńǵa jýyq adam Coursera jappai onlain-bilim berýdiń jetekshi alańynda tegin onlain oqýdan ótýge ótinim berdi. Qazaqstandyqtar aǵylshyn tili men biznes-aǵylshyn tilin, Python baǵdarlamalaý negizderin jáne SMM negizderin úirenýge úlken qyzyǵýshylyq tanytty.
Álemdegi eń tanymal Coursera onlain-oqytý platformasy QR Eńbek jáne halyqty áleýmettik qorǵaý ministrligimen jáne «Eńbek resýrstaryn damytý ortalyǵy» AQ-men birlesip qazaqstandyqtar úshin tegin onlain-bilim berýdiń aýqymdy jobasyn iske asyrýda. Joba 31 qazanǵa deiin eseptelgen, alaida uiymdastyrýshylar arasynda kýrstarǵa tirkelý merzimin 2020 jylǵy 14 jeltoqsanǵa deiin jáne oqý merzimin 2021 jylǵy 15 aqpanǵa deiin óteýsiz negizde uzartý týraly ýaǵdalastyqqa qol jetkizildi.
Búgingi tańda qazaqstandyqtardan 74 myń ótinim kelip tústi, 38 myń adam oqýdan óte bastady. Bul rette jobanyń tirkelgen 36 myńǵa jýyq qatysýshysy kýrstardan ótýge kirispedi.
Eńbekmini ótinim bergen qazaqstandyqtardy Coursera alańynda oqýǵa kirisýge shaqyrady, sebebi bólingen oryndar sany shekteýli. Qazirgi ýaqytta 12 myń tegin litsenziia qoljetimdi, olardy tirkelgen, biraq oqýdy bastamaǵan azamattar da, 14 jeltoqsanǵa deiin ótinim berip, unaǵan kýrstardy tańdap úlgergen kez kelgen qazaqstandyq ta paidalana alady.
Búgingi tańda tirkelgen qazaqstandyqtar túrli baǵyttar boiynsha 131 myńnan astam kýrsty tańdap, 230 myń sabaqty ótti.
Biznes salasy, IT jáne kompiýterlik ǵylymdar, tilderdi úirený, jeke damý jáne densaýlyq oqytýdyń eń suranysqa ie baǵyttary bolyp tabylady.
«Aǵylshyn tilin jáne biznes-aǵylshyn tilin úirený», «Python-daǵy baǵdarlamalaý negizderi» jáne «SMM negizderi» kýrstarynan basqa, tańdalǵan TOP-10 kýrstyń qataryna «Jobalarmen jumys jasaýdaǵy Agile jáne Scrum», «Ómirlik isti tabý negizderi», «Óz aqshańa biznes ashý», «Rastrlyq grafika. Adobe Photoshop CC», «Ótirik teoriiasy. Profildeý», «Fotosýret negizderi» jáne «HTML jáne CSS negizderi» kirdi.
Oqýdy aiaqtaǵan qazaqstandyqtar Coursera onlain-oqytý platformasynda ótken kýrstardyń qorytyndysy boiynsha óz pikirlerin qaldyrady.
Mysaly, Irvaindaǵy Kaliforniia ýniversitetiniń «Initiating and Planning Projects (Jobalarǵa bastamashylyq etý jáne olardy josparlaý)» kýrsyn ótken Uljan qolaily da túsinikti formatta jańa bilim meńgerý múkindigi úshin rizashylyǵyn bildirdi.
«Jobany basqarýdan habarym onsha joq adam retinde men kýrs qoljetimdi aqparattan turady dep aita alamyn. Internettegi oqytý sonshalyqty qyzyqty bolýy múmkin dep eshqashan oilamas edim. Maǵan bul kýrstan ótý unady, men ony basqalarǵa usynamyn», – deidi ol.
Toronto ýniversitetiniń «Introduction to Psychology (Psihologiiaǵa kirispe)» kýrsynan ótken Jazira: «Bul kýrs – men ótken eń jaqsy onlain kýrstardyń biri. Ár apta men ózim úshin jańa bir nárse taptym, adamdar nege belgili bir jolmen áreket etetinin túsine bastadym jáne kóptegen suraqtaryna jaýap taptym. Rahmet!», – dep óz tájiribesimen bólisti.
«Meniń bul kýrsqa jazylǵan sebebim: óz ómirimdi psihologiiamen bailanystyryp, muqtaj adamdarǵa kómekteskim keledi. Kýrs maǵan osy baǵyt týraly bilýge jáne mańyzdy oilardy túsinýge kómektesti. Adamdardy óz baǵyttarynda oqytqanyńyz úshin rahmet!» – deidi Djons Hopkins Ýniversitetiniń «Psychological First Aid (Alǵashqy psihologiialyq kómek)» kýrsynan ótken Aihanym.
Esterińizge sala keteiik, Coursera bilim berý platformasy álemniń jetekshi kompaniialary men ýniversitetterinen (GOOGLE, IBM, Facebook, Stanford University, Yale University, Johns Hopkins University, Princeton University jáne t.b.) 4 myńnan astam tegin kýrstardan ótýge biregei múmkindik beredi. Atalǵan kýrstarda túrli daǵdylardy, sonyń ishinde matematikalyq, kommýnikativtik, kásipkerlik, baǵdarlamalaý, statistikalyq taldaý, derekterdi basqarý jáne kóshbasshylyq daǵdylaryn meńgerýge bolady.
Kýrstardy sátti aiaqtaǵannan keiin bilim alýshylar sertifikat alady.
Aǵymdaǵy jylǵy 14 jeltoqsanǵa deiin https://www.enbek.kz/ru/free-coursera Elektrondyq eńbek birjasy arqyly ótinim bergender jáne www.coursera.org platformasynda tirkelgenin rastaǵandar úshin Coursera alańynda tegin oqytý kýrstary 2021 jylǵy 15 aqpanǵa deiin qoljetimdi.
