74 مىڭعا جۋىق قازاقستاندىق Coursera پلاتفورماسىندا وقۋعا ٶتٸنٸم بەردٸ. بۇل تۋرالى ەڭبەك مينيسترلٸگٸنٸڭ باسپاسٶز قىزمەتٸ حابارلادى.
قازٸردٸڭ ٶزٸندە 74 مىڭعا جۋىق ادام Coursera جاپپاي ونلاين-بٸلٸم بەرۋدٸڭ جەتەكشٸ الاڭىندا تەگٸن ونلاين وقۋدان ٶتۋگە ٶتٸنٸم بەردٸ. قازاقستاندىقتار اعىلشىن تٸلٸ مەن بيزنەس-اعىلشىن تٸلٸن, Python باعدارلامالاۋ نەگٸزدەرٸن جەنە SMM نەگٸزدەرٸن ٷيرەنۋگە ٷلكەن قىزىعۋشىلىق تانىتتى.
ەلەمدەگٸ ەڭ تانىمال Coursera ونلاين-وقىتۋ پلاتفورماسى قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸمەن جەنە «ەڭبەك رەسۋرستارىن دامىتۋ ورتالىعى» اق-مەن بٸرلەسٸپ قازاقستاندىقتار ٷشٸن تەگٸن ونلاين-بٸلٸم بەرۋدٸڭ اۋقىمدى جوباسىن ٸسكە اسىرۋدا. جوبا 31 قازانعا دەيٸن ەسەپتەلگەن, الايدا ۇيىمداستىرۋشىلار اراسىندا كۋرستارعا تٸركەلۋ مەرزٸمٸن 2020 جىلعى 14 جەلتوقسانعا دەيٸن جەنە وقۋ مەرزٸمٸن 2021 جىلعى 15 اقپانعا دەيٸن ٶتەۋسٸز نەگٸزدە ۇزارتۋ تۋرالى ۋاعدالاستىققا قول جەتكٸزٸلدٸ.
بٷگٸنگٸ تاڭدا قازاقستاندىقتاردان 74 مىڭ ٶتٸنٸم كەلٸپ تٷستٸ, 38 مىڭ ادام وقۋدان ٶتە باستادى. بۇل رەتتە جوبانىڭ تٸركەلگەن 36 مىڭعا جۋىق قاتىسۋشىسى كۋرستاردان ٶتۋگە كٸرٸسپەدٸ.
ەڭبەكمينٸ ٶتٸنٸم بەرگەن قازاقستاندىقتاردى Coursera الاڭىندا وقۋعا كٸرٸسۋگە شاقىرادى, سەبەبٸ بٶلٸنگەن ورىندار سانى شەكتەۋلٸ. قازٸرگٸ ۋاقىتتا 12 مىڭ تەگٸن ليتسەنزييا قولجەتٸمدٸ, ولاردى تٸركەلگەن, بٸراق وقۋدى باستاماعان ازاماتتار دا, 14 جەلتوقسانعا دەيٸن ٶتٸنٸم بەرٸپ, ۇناعان كۋرستاردى تاڭداپ ٷلگەرگەن كەز كەلگەن قازاقستاندىق تا پايدالانا الادى.
بٷگٸنگٸ تاڭدا تٸركەلگەن قازاقستاندىقتار تٷرلٸ باعىتتار بويىنشا 131 مىڭنان استام كۋرستى تاڭداپ, 230 مىڭ ساباقتى ٶتتٸ.
بيزنەس سالاسى, IT جەنە كومپيۋتەرلٸك عىلىمدار, تٸلدەردٸ ٷيرەنۋ, جەكە دامۋ جەنە دەنساۋلىق وقىتۋدىڭ ەڭ سۇرانىسقا يە باعىتتارى بولىپ تابىلادى.
«اعىلشىن تٸلٸن جەنە بيزنەس-اعىلشىن تٸلٸن ٷيرەنۋ», «Python-داعى باعدارلامالاۋ نەگٸزدەرٸ» جەنە «SMM نەگٸزدەرٸ» كۋرستارىنان باسقا, تاڭدالعان توپ-10 كۋرستىڭ قاتارىنا «جوبالارمەن جۇمىس جاساۋداعى Agile جەنە Scrum», «ٶمٸرلٸك ٸستٸ تابۋ نەگٸزدەرٸ», «ٶز اقشاڭا بيزنەس اشۋ», «راسترلىق گرافيكا. Adobe Photoshop CC», «ٶتٸرٸك تەوريياسى. پروفيلدەۋ», «فوتوسۋرەت نەگٸزدەرٸ» جەنە «HTML جەنە CSS نەگٸزدەرٸ» كٸردٸ.
وقۋدى اياقتاعان قازاقستاندىقتار Coursera ونلاين-وقىتۋ پلاتفورماسىندا ٶتكەن كۋرستاردىڭ قورىتىندىسى بويىنشا ٶز پٸكٸرلەرٸن قالدىرادى.
مىسالى, يرۆاينداعى كاليفورنييا ۋنيۆەرسيتەتٸنٸڭ «Initiating and Planning Projects (جوبالارعا باستاماشىلىق ەتۋ جەنە ولاردى جوسپارلاۋ)» كۋرسىن ٶتكەن ۇلجان قولايلى دا تٷسٸنٸكتٸ فورماتتا جاڭا بٸلٸم مەڭگەرۋ مٷكٸندٸگٸ ٷشٸن ريزاشىلىعىن بٸلدٸردٸ.
«جوبانى باسقارۋدان حابارىم ونشا جوق ادام رەتٸندە مەن كۋرس قولجەتٸمدٸ اقپاراتتان تۇرادى دەپ ايتا الامىن. ينتەرنەتتەگٸ وقىتۋ سونشالىقتى قىزىقتى بولۋى مٷمكٸن دەپ ەشقاشان ويلاماس ەدٸم. ماعان بۇل كۋرستان ٶتۋ ۇنادى, مەن ونى باسقالارعا ۇسىنامىن», – دەيدٸ ول.
تورونتو ۋنيۆەرسيتەتٸنٸڭ «Introduction to Psychology (پسيحولوگيياعا كٸرٸسپە)» كۋرسىنان ٶتكەن جازيرا: «بۇل كۋرس – مەن ٶتكەن ەڭ جاقسى ونلاين كۋرستاردىڭ بٸرٸ. ەر اپتا مەن ٶزٸم ٷشٸن جاڭا بٸر نەرسە تاپتىم, ادامدار نەگە بەلگٸلٸ بٸر جولمەن ەرەكەت ەتەتٸنٸن تٷسٸنە باستادىم جەنە كٶپتەگەن سۇراقتارىنا جاۋاپ تاپتىم. راحمەت!», – دەپ ٶز تەجٸريبەسٸمەن بٶلٸستٸ.
«مەنٸڭ بۇل كۋرسقا جازىلعان سەبەبٸم: ٶز ٶمٸرٸمدٸ پسيحولوگييامەن بايلانىستىرىپ, مۇقتاج ادامدارعا كٶمەكتەسكٸم كەلەدٸ. كۋرس ماعان وسى باعىت تۋرالى بٸلۋگە جەنە ماڭىزدى ويلاردى تٷسٸنۋگە كٶمەكتەستٸ. ادامداردى ٶز باعىتتارىندا وقىتقانىڭىز ٷشٸن راحمەت!» – دەيدٸ دجونس حوپكينس ۋنيۆەرسيتەتٸنٸڭ «Psychological First Aid (العاشقى پسيحولوگييالىق كٶمەك)» كۋرسىنان ٶتكەن ايحانىم.
ەستەرٸڭٸزگە سالا كەتەيٸك, Coursera بٸلٸم بەرۋ پلاتفورماسى ەلەمنٸڭ جەتەكشٸ كومپانييالارى مەن ۋنيۆەرسيتەتتەرٸنەن (GOOGLE, IBM, Facebook, Stanford University, Yale University, Johns Hopkins University, Princeton University جەنە ت.ب.) 4 مىڭنان استام تەگٸن كۋرستاردان ٶتۋگە بٸرەگەي مٷمكٸندٸك بەرەدٸ. اتالعان كۋرستاردا تٷرلٸ داعدىلاردى, سونىڭ ٸشٸندە ماتەماتيكالىق, كوممۋنيكاتيۆتٸك, كەسٸپكەرلٸك, باعدارلامالاۋ, ستاتيستيكالىق تالداۋ, دەرەكتەردٸ باسقارۋ جەنە كٶشباسشىلىق داعدىلارىن مەڭگەرۋگە بولادى.
كۋرستاردى سەتتٸ اياقتاعاننان كەيٸن بٸلٸم الۋشىلار سەرتيفيكات الادى.
اعىمداعى جىلعى 14 جەلتوقسانعا دەيٸن https://www.enbek.kz/ru/free-coursera ەلەكتروندىق ەڭبەك بيرجاسى ارقىلى ٶتٸنٸم بەرگەندەر جەنە www.coursera.org پلاتفورماسىندا تٸركەلگەنٸن راستاعاندار ٷشٸن Coursera الاڭىندا تەگٸن وقىتۋ كۋرستارى 2021 جىلعى 15 اقپانعا دەيٸن قولجەتٸمدٸ.
