Kelesi aptadan bastap qazaqstandyqtar zeinetaqy jinaqtarynyń bir bóligin investitsiialai alady. Bul týraly búgin QR Qarjy naryǵyn retteý jáne damytý agenttigi Qundy qaǵazdar departamentiniń direktory Edil Medeý aitty, dep habarlaidy QazAqparat.
«Zeinetaqy aktivterin basqarýdy josparlap otyrǵan jekelegen basqarýshy kompaniialar qazirdiń ózinde zeinetaqy aktivterin senimgerlik basqarýǵa arnalǵan kelisimshart jasasý boiynsha Biryńǵai jinaqtaýshy zeinetaqy qorymen jumysty bastap ketti. Olarmen aqpan aiynyń basynan beri aqparat almasý jáne zeinetaqy jinaǵyn berýmen bailanysty tehnikalyqmáseleler pysyqtalýda. Kelisimsharttar jasalyp, BJZQ saitynda basqarýshy kompaniialardyń tizilimi jariialanǵannan keiin salymshylar basqarýshy kompaniiany tańdap, jinaqtarynyń bir bóligin sol jaqqa aýdara alady. Biz kelesi aptada salymshylar úshin bul qyzmet qoljetimdi bolady dep oilaimyz», - dedi Edil Medeý.
Agenttik málimetinshe, investitsiialyq portfeldi basqarýǵa arnalǵan litsenziiasy bar 18 basqarýshy kompaniianyń 6-ýy bekitilgen talaptarǵa sáikes keledi.
Olar:
1) «First Heartland Jysan Invest» AQ
2) «BCC Invest» AQ - «Bank TsentrKredit» AQ-tyń enshiles uiymy»
3) «Halyk Global Markets» AQ («Qazaqstan Halyq Banki» AQ-tyń EU)
4) «Halyk Finance» Qazaqstan Halyq Bankiniń EU» AQ
5) «First Heartland Capital» AQ
6) «Sentras Sekiýritiz» AQ
Aita keterligi, salymshylar zeinetaqy jinaqtaryn bir basqarýshy kompaniiadan ekinshisine jylyna bir retten jii emes bere alady. Al zeinetaqy jinaǵyn Ulttyq banktiń basqarýyna eki jyldan keiin qaitara alady.
