12 maýsymynan bastap 2006 jyly jáne odan keiingi jyldary shyqqan banknottardy merzimsiz aiyrbastaý kezeńi bastalǵan edi. Osy ýaqyt aralyǵynda qazaqstandyqtar jalpy somasy 113 mln teńgeden asatyn 43 385 banknotty aiyrbastady dep habarlaidy "Ult aqparat" Ulttyq bankke silteme jasap.
Banknottardy aýystyrýǵa qatysty ótinishterdiń basym bóligi Almaty (19,4%), Nur-sultan (11,7%), Qaraǵandy oblysynyń (7,2%) turǵyndarynan tústi. Aiyrbastaýǵa qabyldanǵan kýpiýralardyń negizgi úlesin – nominaly 500 teńgelik banknottar (43,7%) quraidy.
Aita keteiik, ainalymnan shyqqan 2006 jylǵy úlgidegi nominaly 500, 1000, 2000, 5000 jáne 10 000 teńgelik banknottardy eshqandai da shekti merzimge qaramastan QUB-tyń aýmaqtyq filialdarynda aiyrbastaýǵa bolady.
Jańa banknot shyqqan jaǵdaida eski úlgisi 12 ai boiy qoldanysta qatar júredi. Bir jyl boiy eski banknot ta, jańa banknot ta zańdy tólem quraly bolyp sanalady jáne olardy barlyq tólem túri boiynsha qabyldaýǵa mindetti.
Qandai da bir banknot ainalymnan shyqqan jaǵdaida 3 jyl ishinde ony QUB filialdarynan da, ekinshi deńgeili bankterdiń bólimsheleri men «Qazposhta» keńselerinen de aiyrbastap alýǵa bolady.
Ainalymnan alynǵan banknottardy 3 jyl ótken soń QUB filialdarynda merzimsizaiyrbastaýǵa bolady.
