Elimizde tótenshe jaǵdai rejiminiń engizilýine bailanysty tabysynan aiyrylǵan qazaqstandyqtarǵa 42 500 teńge mólsherindegi áleýmettik tólemniń ekinshi aiǵa qashan beriletindigi belgili boldy, - dep habarlaidy "Ult aqparat".
«Memlekettik áleýmettik saqtandyrý qorynan tólenetin ekinshi aiǵa arnalǵan áleýmettik tólem qazaqstandyqtardyń esepshotyna birinshi tólem túsken kúnnen keiin bir aidan soń túsedi. Iaǵni, 42 500 teńge tólemdi sáýir aiynyń 11-de alǵan azamattar mamyr aiynyń birinshi onkúndiginde ekinshi tólemge qol jetkizedi» - dep túsindirdi QR Eńbek jáne halyqty áleýmettik qorǵaý ministrliginiń baspasóz qyzmetindegiler.
Aita ketsek, Memlekettik áleýmettik saqtandyrý qorynan 4 mln 251 myń áleýmettik tólem taǵaiyndaldy.
Onyń ishinde alǵashqy aida – 3 mln 731 myń, ekinshi aida - 520 myń.
Qoldanystaǵy Qaǵidalarǵa sáikes TJ kezeńinde qyzmettiń shektelýine bailanysty tabysynan aiyrylǵan jaǵdaida bir adamǵa MÁSQ-tan aiyna 42 500 teńge mólsherinde beriletin áleýmettik tólem kelesi sanattarǵa: – jeke kásipkerlerge jáne shaǵyn jáne orta kásipkerlik sýbektileriniń jalaqysy saqtalmaityn demalystaǵy qyzmetkerlerine; – karantin engizilgen eldi mekenderde qyzmetin júzege asyratyn iri kásipkerlik sýbektileriniń jalaqysy saqtalmaityn demalystaǵy qyzmetkerlerine; – memlekettik mekemelerdi qospaǵanda, kommertsiialyq emes zańdy tulǵalardyń jalaqysy saqtalmaityn demalystaǵy qyzmetkerlerine; – jeke praktikamen ainalysatyn adamdarǵa (notariýs, jeke sot oryndaýshysy, advokat, kásibi mediator); – QR Salyq kodeksiniń 774-babyna sáikes, biryńǵai jiyntyq tólemdi tóleýshiler bolyp tabylatyn jeke tulǵalarǵa; – nysanasy jumystardy oryndaý (qyzmetter kórsetý) bolyp tabylatyn azamattyq-quqyqtyq sipattaǵy sharttar boiynsha tabys tabatyn, salyq agentteri olar úshin mindetti zeinetaqy jarnalaryn aýdarǵan adamdarǵa taǵaiyndalady.
1 jáne 2-tarmaqshalar ulttyq basqarýshy holdingterdiń, ulttyq holdingter men ulttyq kompaniialardyń qyzmetkerlerine qatysty emes.
