Elimizde jeke tulǵalardyń múlik salyǵy, jer salyǵy jáne kólik quraldary salyǵy boiynsha bereshegi 919 myń salyq tóleýshi boiynsha 24,3 mlrd.teńgeni qurady, onyń ishinde bereshektiń negizgi somasy, iaǵni 22,8 mlrd. teńge - kólik quraldary salyǵyna tiesili, dep habarlaidy "Ult aqparat" Qarjy ministrliginiń memlekettik kirister komitetine silteme jasap.
Olardyń ishinde kólik quraldary salyǵy boiynsha salyq mindettemelerinen jaltarǵan avtokólik ieleriniń eń kóp bóligi kelesi óńirlerde tirkelgen:
Almaty qalasynda 88 myń boryshker boiynsha bereshek 5,2 mlrd. teńgeni quraidy;
Almaty oblysynda 132 myń boryshker boiynsha bereshek 3,9 mlrd. teńgeni quraidy;
Nur-Sultan jáne Shymkent qalalarynda tiisinshe 2,6 mlrd. teńge jáne 1,9 mlrd. teńge bereshegi jinalǵan 76 myń boryshker bar.
Komitet 2021 jylǵa jeke tulǵalardyń kólik quraldaryna salyq tóleý merzimi 2022 jyldyń 1 sáýirinde aiaqtalǵanyn eske saldy. 17 mamyrdan bastap salyq somasyn ýaqtyly tólemegen tulǵalarǵa 1 AEK-ten joǵary bereshek somalary boiynsha jeke tulǵanyń bereshegin óndirip alý týraly salyq buiryqtaryn joldaý bastaldy.
"Bereshek tólenbegen jaǵdaida salyq buiryǵy tabys etilgen kúnnen keiin 5 jumys kúni ótken soń jeke sot oryndaýshylarynyń óńirlik palatasyna májbúrlep oryndatýǵa jiberiledi. Óz kezeginde, jeke sot oryndaýshylary "Atqarýshylyq is júrgizý jáne sot oryndaýshylarynyń mártebesi týraly" Qazaqstan Respýblikasynyń Zańyna sáikes bank shottary men múlkine tyiym salý túrinde májbúrlep óndirip alý sharalaryn qoldanýǵa quqyǵy bar.
Eger qaryz 40 AEK-ten assa, azamatqa elden shyǵýǵa tyiym salynýy múmkin. QR shyǵýǵa tyiym salý týraly aqparatty silteme arqyly bilýge bolady" delingen habarlamada.
