ەلٸمٸزدە جەكە تۇلعالاردىڭ مٷلٸك سالىعى, جەر سالىعى جەنە كٶلٸك قۇرالدارى سالىعى بويىنشا بەرەشەگٸ 919 مىڭ سالىق تٶلەۋشٸ بويىنشا 24,3 ملرد.تەڭگەنٸ قۇرادى, ونىڭ ٸشٸندە بەرەشەكتٸڭ نەگٸزگٸ سوماسى, ياعني 22,8 ملرد. تەڭگە - كٶلٸك قۇرالدارى سالىعىنا تيەسٸلٸ, دەپ حابارلايدى "ۇلت اقپارات" قارجى مينيسترلٸگٸنٸڭ مەملەكەتتٸك كٸرٸستەر كوميتەتٸنە سٸلتەمە جاساپ.
ولاردىڭ ٸشٸندە كٶلٸك قۇرالدارى سالىعى بويىنشا سالىق مٸندەتتەمەلەرٸنەن جالتارعان اۆتوكٶلٸك يەلەرٸنٸڭ ەڭ كٶپ بٶلٸگٸ كەلەسٸ ٶڭٸرلەردە تٸركەلگەن:
الماتى قالاسىندا 88 مىڭ بورىشكەر بويىنشا بەرەشەك 5,2 ملرد. تەڭگەنٸ قۇرايدى;
الماتى وبلىسىندا 132 مىڭ بورىشكەر بويىنشا بەرەشەك 3,9 ملرد. تەڭگەنٸ قۇرايدى;
نۇر-سۇلتان جەنە شىمكەنت قالالارىندا تيٸسٸنشە 2,6 ملرد. تەڭگە جەنە 1,9 ملرد. تەڭگە بەرەشەگٸ جينالعان 76 مىڭ بورىشكەر بار.
كوميتەت 2021 جىلعا جەكە تۇلعالاردىڭ كٶلٸك قۇرالدارىنا سالىق تٶلەۋ مەرزٸمٸ 2022 جىلدىڭ 1 سەۋٸرٸندە اياقتالعانىن ەسكە سالدى. 17 مامىردان باستاپ سالىق سوماسىن ۋاقتىلى تٶلەمەگەن تۇلعالارعا 1 اەك-تەن جوعارى بەرەشەك سومالارى بويىنشا جەكە تۇلعانىڭ بەرەشەگٸن ٶندٸرٸپ الۋ تۋرالى سالىق بۇيرىقتارىن جولداۋ باستالدى.
"بەرەشەك تٶلەنبەگەن جاعدايدا سالىق بۇيرىعى تابىس ەتٸلگەن كٷننەن كەيٸن 5 جۇمىس كٷنٸ ٶتكەن سوڭ جەكە سوت ورىنداۋشىلارىنىڭ ٶڭٸرلٸك پالاتاسىنا مەجبٷرلەپ ورىنداتۋعا جٸبەرٸلەدٸ. ٶز كەزەگٸندە, جەكە سوت ورىنداۋشىلارى "اتقارۋشىلىق iس جٷرگiزۋ جەنە سوت ورىنداۋشىلارىنىڭ مەرتەبەسi تۋرالى" قازاقستان رەسپۋبليكاسىنىڭ زاڭىنا سەيكەس بانك شوتتارى مەن مٷلكٸنە تىيىم سالۋ تٷرٸندە مەجبٷرلەپ ٶندٸرٸپ الۋ شارالارىن قولدانۋعا قۇقىعى بار.
ەگەر قارىز 40 اەك-تەن اسسا, ازاماتقا ەلدەن شىعۋعا تىيىم سالىنۋى مٷمكٸن. قر شىعۋعا تىيىم سالۋ تۋرالى اقپاراتتى سٸلتەمە ارقىلى بٸلۋگە بولادى" دەلٸنگەن حابارلامادا.
