Qazaqstandyqtar 160 myńǵa jýyq eski kólikti joiýǵa tapsyrdy, dep habarlaidy "Ult aqparat" ÓKM Operatory baspasóz qyzmetine silteme jasap.
«Eski kólikterdi joiýǵa qabyldaý baǵdarlamasyna 4 jyl. Osy aralyqta eki baǵdarlama (qunyn tóleý jáne sertifikat) boiynsha 158 770 avtokólik joiýǵa qabyldandy. Tozyǵy jetken kóligin ótkizgen qazaqstandyqtarǵa 14 mlrd teńgede astam qarajat tólendi. Sertifikat baǵdarlamasy boiynsha 54 635 avtokólik qabyldandy. Baǵdarlama nátijesinde otandyq óndirýshiden 28 141 sý jańa avtokólik satyp alyndy», delingen habarlamada.
Aita ketý kerek biyl eski kólikti tapsyrǵandarǵa beriletin ótemaqy kólemi ailyq eseptik kórsetkishe bailanysty ósirti. Maýsym aiynan bastap jeńil kólik tapsyrǵandarǵa beriletin ótemaqy 150 myńnan 200 myń teńgege (72 AEK) jetti.
2020 jyldyń 2 qarashadan bastap ÓKM Operatory tozyǵy jetken aýylsharýashylyq tehnikasyn qaita óńdeýge qabyldaýǵa pilot baǵdarlamany iske qosty. Baǵdarlama aiasynda agrotehnikany tapsyrýshylarǵa 560 myńnan 2 million teńgeniń jeńildik sertifikaty berile bastady. Jańa baǵdarlama iske qosylǵannan beri 47 aýylsharýshlyq tehnikasy qabyldandy. Onyń 33-i traktor, 14-i kombain. Jyl sońyna deiin aýylsharýashylyq tehnikasyn qabyldaýǵa 120 kvota (100 traktor jáne 20 kombain) qarastyrylǵan.
Eski kólikterdi joiýǵa qabyldaý baǵdarlamasy boiynsha aimaqtardan jinalǵan mashinalar Qaraǵandy oblysyndaǵy zaýytqa jetkiziledi. Isten shyqqan kólik sol jerde qaita óńdeledi. Qazirgi tańda zaýyt 146 705 kólikti qaita óńdedi.
