QR QM Memlekettik kirister komiteti azamattarǵa múlik salyǵyn tóleý týraly eskertpe jasady, dep habarlaidy "Ult aqparat".
Sonymen, Salyq kodeksine engizilgen ózgeristerge sáikes 2021 jyldyń 1 qańtarynan bastap jer men múlik bir múlik salyǵyna biriktirildi.
Endi úi men jer úshin múlik salyǵy siiaqty biryńǵai soma tólenýi kerek.
Aldaǵy tólemderdi esepteý kezinde Qazaqstan Respýblikasynyń Aýyl sharýashylyǵy ministrligi Jer resýrstaryn basqarý komitetiniń «Memlekettik jer kadastry» AJ jáne Qazaqstan Respýblikasy Ádilet Ministrliginiń «Jyljymaityn múlik rigistri» memlekettik derekter qory AJ derekteri paidalanyldy.
2020 jylǵa eseptelgen múlik salyǵy aǵymdaǵy jyldyń 1 shildesinen 1 qazanyna deiin «E-salyq Azamat» mobildi qosymshasynyń «aldaǵy tólemder» servisinde ornalastyrylatyn bolady.
Memlekettik kirister komiteti azamattardy MKK «E-Salyq-Azamat» tegin mobildi qosymshasyn paidalanýǵa shaqyrady.
Mobildi qosymshaǵa kirý úshin, Sizdiń derekterińizdiń qaýipsizdigi maqsatynda, Sizdiń uialy telefon nómirińiz mobildi azamattar bazasynda (HQKO) Sizdiń JSN-de tirkelýi qajet.
Jeke tulǵalarǵa daiyn derektemeler boiynsha bir mezgilde tólem júrgizý múmkindigimen aldaǵy salyq somasyn ony tóleý merzimi bastalǵanǵa deiin bilýge múmkindik berilgen.
Esterińizge sala keteiik, 2020 jylǵa múlik salyǵyn tóleý merzimi 2021 jylǵy 1 qazanyna aiaqtalady .
MKK portalynda, «elektrondy úkimet» (egov. kz) portalynda aldaǵy tólemderdi kórýden basqa, bankterdiń mobildi qosymshalarynda derekterdi alý múmkindigi iske asyryldy (Kaspi kz, Homebank).
Bul rette MKK mobildi jáne bank qosymshalarynyń aldaǵy tólemder servisinde eseptelgen múlik salyǵynyń somasy derbes shottaǵy bar tólemdi (artyq tólemdi) eskere otyryp kórsetiledi.
Sonymen qatar, múlik salyǵy boiynsha aldaǵy tólemderdiń somasy salyq bereshegi bolyp tabylmaidy, osyǵan bailanysty bul soma MKK mobildi qosymshasynyń «Memlekettik kirister organdarynda esepke alý júrgiziletin salyqtyq bereshektiń joq (bar) ekendigi týraly málimetter» servisinde kórsetilmeidi.
