1 mamyr - Qazaqstan halqynyń birligi kúni men Uly Jeńistiń 75 jyldyǵyna orai merekelik live kontsertter uiymdastyrylady, dep habarlaidy "Ult aqparat".
«Pandemiiaǵa bailanysty búkil álem karantin rejimin saqtaýda, onyń ishinde Almaty qalasy da bar. Ońtústik astananyń turǵyndary ózderin oqshaýlap úide otyr. Alaida bul mádeni sharalarǵa kedergi emes»,– dep habarlady qalalyq ákimdik.
Qazaqstan halqynyń birligi kúnine orai 1 mamyr kúni saǵat 20.30-da Youtube-tegi Almaty Creative arnasynyń tikelei efirinde, sondai-aq Almaty telearnasynda qazaqstandyq estrada juldyzdary Roza Rymbaeva, Tolqyn Zabirova, Parviz Nazarov jáne Áli Oqapovtyń qatysýymen live kontsert ótedi. Sondai-aq, Marat Omarov, Renat Gaisin men Dinaia, «Melomen» toby qatysatyn live kontsertter Youtube-tegi Almaty Creative arnasynda qoljetimdi.
Jeńistiń 75 jyldyǵyna orai 9 mamyr kúni saǵat 19.00-de Youtube-tegi Almaty Creative arnasynyń tikelei efirinde, sondai-aq Almaty telearnasynda qazaqstandyq estrada juldyzdary Roza Rymbaeva, Naǵima Esqalieva, Nurlan Abdýllin, Tolqyn Zabirova, Mádina Sádýaqasovanyń qatysýymen live kontsert ótedi.
