Qazaqstannyń Niderlandtaǵy Elshisi Asqar Jumaǵaliev Rotterdam porty ákimshiliginiń Bas direktory Allard Kasteleinmen onlain kezdesti, dep habarlaidy "Ult aqparat" Syrtqy ister ministrliginiń baspasóz qyzmetine silteme jasap.
Suhbat barysynda A.Kastelein Qazaqstannyń Ýkrainadaǵy jaǵdaiǵa bailanysty ustanymy týraly, QR Prezidenti Q.Toqaevtyń ýkrain tarapyna gýmanitarlyq kómek kórsetý týraly sheshimi jaily habardar etildi.
Qazaqstan Elshisi reseilik-ýkrain daǵdarysyna orai qazaqstandyq taýarlardyń Rotterdam porty arqyly úzdiksiz ótýin qamtamasyz etý mańyzdylyǵyn atap ótip, QR-dyń logistika salasynda atqaryp jatqan jumysyna toqtaldy.
Óz kezeginde Bas direktor qazaqstandyq júkterdi Rotterdam porty arqyly qabyldaý men jóneltýde problemalar joq ekenin, ári júk tranziti boiynsha sońǵy ýaqyttarda týyndap jatqan máselelerdiń barlyǵy arnaiy qurylǵan jumys toby sheńberinde qarastyrylatynyn atap ótti.
Suhbattas QR Elshisiniń port jáne qazaqstandyq seriktester arasyndaǵy kólik-logistika salasy boiynsha ekijaqty úilesimdilikti jaqyn arada jolǵa qoiýǵa qatysty usynysyna qoldaý bildirdi.
