Ál-Farabi atyndaǵy QazUÝ «Times Higher Education World University Rankings by Subject 2021» pándik reitingisiniń qorytyndysy boiynsha ǵylymi kórsetkishterin jaqsartyp, birqatar mamandyqtar boiynsha pozitsiiasyn kúsheitti.
THE WUR by Subject-te 11 pán boiynsha álemniń 1500-den astam úzdik ýniversitetteri zerdelendi. Jahandyq reiting ádisnamasy kórsetkishterdiń bes tobyna biriktirilgen jáne joǵary oqý oryndarynyń ǵylymi-zertteý qyzmetiniń túiindi salalaryn kórsetetin 13 basty indikator negizinde jasalady.
Reitingti jasaýǵa arnalǵan maǵlumattar úsh derekkózden jinalady, olar: statistikalyq aqparat, Scopus bibliometrikalyq bazasy jáne akademiialyq sarapshylardan suraý.
Ótken jylmen salystyrǵanda qazaqstandyq jetekshi ýniversitet óz kórsetkishterin aitarlyqtai jaqsartty jáne THE WUR by Subjec pozitsiiasyn nyǵaitty.
Reitingte QazUÝ-dyń biznes jáne ekonomika salasyndaǵy mamandyqtary (501-600), injeneriia (601-800), fizikalyq ǵylymdar (801-1000) sondai-aq, áleýmettik ǵylymdar (601+) boiynsha mamandyqtar ataldy.
QazUÝ 2020 jyly QS jahandyq reitingisiniń nátijeleri boiynsha aldyńǵy qatarly ýniversitetter tiziminde 165-shi orynǵa ie bolyp, álemniń úzdik 200 JOO-nyń qataryna engenin atap ótken jón.
TMD elderinen bul topqa tek Lomonosov atyndaǵy MMÝ jáne ál-Farabi atyndaǵy QazUÝ endi.
Zertteý ýniversitetine ainala otyryp, jetekshi qazaqstandyq JOO basqa da álemdik deńgeide moiyndalǵan reitingterde serpindi ilgerileýdi jalǵastyrýda.
