QR Bilim jáne ǵylym ministrligi joǵary oqý oryndarynyń 2021 jylǵy reitingisin qorytyndylady. Zertteýdi QR BǴM tapsyrysy boiynsha «Atameken» Ulttyq Kásipkerler Palatasy júrgizdi, dep habarlaidy QazAqparat.
Reiting nátijeleri búgin QR Prezidenti janyndaǵy Ortalyq kommýnikatsiialar qyzmetiniń alańynda belgili boldy.
Joǵary oqý oryndarynyń bilim berý baǵdarlamalary úsh blokqa biriktirilgen 19 kriterii boiynsha baǵalandy: túlekterdiń mansaptyq bolashaǵy, bilim berý baǵdarlamalarynyń sapasy jáne bilim alýshylardyń jetistikteri.
Zertteý kórsetkendei, jumys berýshilerdiń joǵary oqý oryndaryndaǵy bilim berý baǵdarlamalarynyń sapasy men ózektiligine qanaǵattaný kórsetkishi edáýir artqan, sońǵy jyldary bul kórsetkish + 28 paiyzdy qurady.
Reiting kórsetkendei, joǵary oqý oryndarynyń bilim berý baǵdarlamalarynyń 85%-y jumys berýshilermen kelisilgen. Baǵdarlamalardyń 88%-y tanylǵan akkreditteý agenttikterinde akkreditteýden ótti.
Jumysqa ornalasqan túlekterdiń sany ótken jylmen salystyrǵanda 12%-ǵa artyp otyr. Osylaisha, 2021 jyly jumyspen qamtý ortasha eseppen 77% qurady.
Praktikaǵa baǵdarlanǵan mamandyqtar úshin oqý protsesine praktikalyq tájiribesi bar oqytýshylardy tartý boiynsha oń úrdis baiqalady. Praktik-oqytýshylardyń sany 75%-ǵa deiin artty. Esterińizge sala keteiik, buǵan deiin QR BǴM otandyq joǵary oqý oryndaryna shtattyq qyzmetkerler bolyp tabylmaityn jáne ǵylymi dárejesi joq praktik-mamandardy jumysqa shaqyrý boiynsha zańnamaǵa ózgerister engizgen bolatyn.
Akademiialyq utqyrlyq baǵdarlamasyna qatysý tájiribesi boiynsha da jaqsy kórsetkishter bar, onyń ishinde sheteldik joǵary oqý oryndarynda túlekterdiń 55%-y bilim alýda.
Bilim berý júiesin tsifrlandyrý kórsetkishteri boiynsha da aitarlyqtai oń ózgerister baiqalyp jatyr. Joǵary oqý oryndarynyń 90%-ynda elektrondy kitaphanalar bar, 87%-y plagiatqa qarsy júieni, 81%-y proktoring júiesin engizdi.
Reiting-2021 qorytyndysy boiynsha: «Densaýlyq saqtaý jáne áleýmettik qamtamasyz etý» baǵyty boiynsha jetekshi oryndy S.D. Asfendiiarov atyndaǵy QazUMÝ JOO ielendi, al Ońtústik Qazaqstan meditsina akademiiasy aýtsaiderler qatarynda.
Zań salasy boiynsha Nárikbaev atyndaǵy KAZGIýÝ ýniversiteti dástúrli túrde kósh bastap keledi.
«Pedagogikalyq ǵylymdar» baǵyty boiynsha L.N. Gýmilev atyndaǵy Eýraziia ulttyq ýniversiteti aldyńǵy orynda tur. Al Shymkent qalasyndaǵy A. Qýatbekov atyndaǵy Halyqtar dostyǵy ýniversiteti, «Syrdariia» ýniversiteti tómengi orynda tur.
«Aqparattyq-kommýnikatsiialyq tehnologiialar» baǵyty boiynsha HATÝ, al «Aýyl sharýashylyǵy jáne bioresýrstar» boiynsha - M. Qozybaev atyndaǵy SQÝ aldyńǵy orynda tur. «Jaratylystaný ǵylymdary, matematika jáne statistika», «Óner jáne gýmanitarlyq ǵylymdar» jáne «Áleýmettik ǵylymdar, jýrnalistika jáne aqparat» siiaqty úsh baǵyt boiynsha Toraiǵyrov ýniversiteti kósh bastap keledi.
Elimizdegi kópsalaly joǵary oqý oryndary arasyndaǵy jalpy reitingte L. Gýmilev atyndaǵy Eýraziia ulttyq ýniversiteti, Toraiǵyrov ýniversiteti, Qazaqstan-Nemis ýniversiteti úzdik atandy.
Beiindi JOO-lar arasynda Nárikbaev atyndaǵy KAZGIýÝ ýniversiteti úzdik boldy.
Sondai-aq Qazaqstan-Britan ýniversiteti, Narhoz ýniversiteti, Halyqaralyq aqparattyq tehnologiialar ýniversiteti, KIMEP ýniversiteti siiaqty joǵary oqý oryndary aldyńǵy qatarda tur.
Kelesi joǵary oqý oryndary ádettegidei aýtsaiderler qatarynda: akademik A. Qýatbekov atyndaǵy Halyqtar dostyǵy ýniversiteti, Ortalyq Aziia innovatsiialyq ýniversiteti, Syrdariia ýniversiteti, Shymkent ýniversiteti.
Reiting qorytyndysy bilim berý baǵdarlamalaryn jetildirý boiynsha jumys atqarmaǵan joǵary oqý oryndary aýtsaiderler qataryna qosylǵanyn kórsetip otyr. Ádette bul ýniversitetter bilim berý baǵdarlamalaryna investitsiia az bóledi, praktik-oqytýshylardy az jumyldyrady jáne jyl saiyn UBT/KT-da tómen ball jinaǵan abitýrientterdi oqýǵa qabyldaidy.
Reiting nátijelerimen tolyǵyraq QR Bilim jáne ǵylym ministrligi men QR «Atameken» UKP resmi saittarynda tanysýǵa bolady. Túlekter men olardyń ata-analaryna ýniversitet tańdaý kezinde bilim berý qyzmetiniń sapasyna basa nazar aýdarý kerek ekenin taǵy da eskertemiz.
BǴM men jumys berýshiler reitingisiniń qorytyndysy boiynsha aýtsaider JOO-lar ádette jumysyn toqtatqan joǵary oqý oryndarynyń tizimine enetinin tájiribe kórsetip otyr.
